കൊച്ചി: വീണ്ടും അപകടം ഉണ്ടാക്കി വിവാദത്തിൽ ‘കല്ലട’ ബസ്. കര്ണാടകയിലെ ഗുണ്ടല്പ്പേട്ടില് വെച്ച് മലയാളിയുടെ പിക് അപ്പ് വാഹനം ബസ് ഇടിച്ചുതെറിപ്പിച്ചു. കൊച്ചിയിലെ ആല്ഫ ഒമേഗ സ്ഥാപനത്തിന്റെ പിക്ക് അപ്പ് വാഹനത്തിലാണ് ഇടിച്ചത്. ഗുണ്ടല്പ്പേട്ട് ചെക് പോസ്റ്റില് നിര്ത്തിയിട്ടിരുന്ന വാഹനത്തെ കല്ലട ബസ്സ് ഇടിച്ചുതെറിപ്പിക്കുകയായിരുന്നു. പിക്ക് അപ്പ് വാനിന്റെ ഡ്രൈവര് ഉള്പ്പെടെ അപകടത്തില് രണ്ട് മലയാളികള്ക്ക് പരിക്കേറ്റു. കാെച്ചി മാടവനയിലെ അപകടത്തിന് പിന്നാലെയാണ് കല്ലട ബസ് വീണ്ടും അപകടം സൃഷ്ട്ടിക്കുന്നത്.
ആല്ഫ ഒമേഗ സ്ഥാപനത്തിന്റെ എറണാകുളം ശാഖയിൽ നിന്നും മെറ്റീരിയൽ എടുത്ത് മൈസൂരുവിലേക്ക് പോയ വാഹനം തിരികെ വരുമ്പോഴാണ് അപകടം നടന്നതെന്ന് സ്ഥാപന ഉടമ ജോള്സ് പ്രതികരിച്ചു. ചെക്ക്പോസ്റ്റില് കാത്തുനില്ക്കവെ അപകടകരമായി ഓടിച്ചെത്തിയ കല്ലട ബസ് ശക്തമായി പിക്ക് അപ്പ് വാനിനെ ഇടിച്ചു തെറിപ്പിക്കുകയായിരുന്നുവെന്നും തങ്ങളുടെ ജീവനക്കാര് തലനാരിഴയ്ക്കാണ് രക്ഷപ്പെട്ടതെന്നും ജോള്സ് വ്യക്തമാക്കുന്നു. അപകടത്തില്പ്പെട്ടവരെ ആശുപത്രിയില് കൊണ്ടുപോകാൻ പോലും കല്ലട ബസ് ജീവനക്കാര് കൂട്ടാക്കിയില്ലെന്നും ആരോപണമുണ്ട്. നിലവില് രണ്ട് വാഹനങ്ങളും ഗുണ്ടല്പേട്ട് പൊലീസ് സ്റ്റേഷനിലാണ്.
മാടവനയിൽ ഉണ്ടായ അപകടത്തെത്തുടര്ന്ന് മോട്ടോര് വാഹനവകുപ്പ് നടത്തിയ പരിശോധനയില് കല്ലട ബസിനെതിരെ ഗുരുതര ക്രമക്കേടുകൾ ഉണ്ടായിരുന്നു. കല്ലട ബസിന്റെ സ്പീഡ് ഗവേര്ണര് വിച്ഛേദിച്ച നിലയിലായിരുന്നുവെന്നും ടയറുകളില് തേയ്മാനവും എംവിഡി കണ്ടെത്തിയിരുന്നു.
പ്രതികരിക്കാൻ ഇവിടെ എഴുതുക