ഓപ്പറേഷൻ ജാവ, സൗദി വെള്ളക്ക എന്നീ സൂപ്പർ ഹിറ്റ് ചിത്രങ്ങൾക്ക് ശേഷം ലുക്മാൻ – ബിനു പപ്പു ടീം ഒന്നിക്കുന്ന ബോംബെ പോസിറ്റീവിന്റെ ചിത്രീകരണം പൂർത്തിയായി. ജീവനാണ് ചിത്രം സംവിധാനം ചെയ്യുന്നത്. ധ്യാൻ ശ്രീനിവാസൻ നായകനായ നദികളിൽ സുന്ദരി യമുന എന്ന ചിത്രത്തിലൂടെ ശ്രദ്ധ നേടിയ നടി പ്രഗ്യ നാഗ്രയാണ് നായിക.
ഇവർക്കൊപ്പം ജഗദീഷ്, ജോയ് മാത്യു, നേഹ സക്സേന, രാഹുൽ മാധവ്, സൗമ്യ മേനോൻ, ടി ജി രവി, ശ്രീജിത്ത് രവി എന്നിവരും സിനിമയിൽ സുപ്രധാന കഥാപാത്രങ്ങളെ അവതരിപ്പിക്കുന്നു. അജിത്താണ് ചിത്രത്തിന്റെ കഥ രചിച്ചിരിക്കുന്നത്. ഉണ്ണി മൂവീസ്, ഹരീഷ് കുമാർ എന്നിവയുടെ ബാനറിൽ ഉണ്ണികൃഷ്ണൻ, ഹരീഷ് കുമാർ എന്നിവർ ചേർന്നാണ് ചിത്രം നിർമ്മിക്കുന്നത്.
ചിത്രത്തിന് സംഗീത സംവിധാനം നിർവഹിക്കുന്നത് രഞ്ജിൻ രാജാണ്. എഡിറ്റർ അരുൺ രാഘവ്. വി കെ പ്രദീപ് ആണ് ഛായാഗ്രഹണം നിർവഹിച്ചിരിക്കുന്നത്. പിആർഒ ശബരി.
സൗദി വെള്ളക്കയാണ് ബിനു- ലുക്മാന് കോമ്പോയില് റിലീസ് ചെയ്ത ചിത്രം. തരുണ് മൂര്ത്തി ആയിരുന്നു ചിത്രത്തിന്റെ സംവിധാനം. ഒരു കേസിന് ആസ്പദമായ സംഭവമാണ് ചിത്രം പറയുന്നത്. സംവിധായകന്റേത് തന്നെയാണ് രചന. ഉര്വ്വശി തിയറ്റേഴ്സിന്റെ ബാനറില് സന്ദീപ് സേനന് ആയിരുന്നു നിര്മ്മാണം. ലുക്മാന് അവറാന്, ദേവി വര്മ്മ, സിദ്ധാർഥ് ശിവ, ബിനു പപ്പു, സുജിത്ത് ശങ്കർ, ഗോകുലന്, ശ്രിന്ധ, റിയ സെയ്റ, ധന്യ അനന്യ എന്നിവരാണ് പ്രധാന വേഷങ്ങളില് എത്തിയത്.
പ്രതികരിക്കാൻ ഇവിടെ എഴുതുക