മഞ്ജു വാര്യര് എത്തുന്ന തമിഴ് ചിത്രം ‘മിസ്റ്റര് എക്സിന്റെ’ ചിത്രീകരണം പൂര്ത്തിയായിരിക്കുകയാണെന്നാണ് പുതിയ റിപ്പോര്ട്ട്. ‘എഫ്ഐആര്’ ഒരുക്കിയ മനു ആനന്ദാണ് സംവിധാനം ചെയ്യുന്നത്. ആര്യയാണ് നായക വേഷത്തിലുണ്ടാകുക. ഗൗതം കാര്ത്തിക്കും വേഷമിടുന്ന തമിഴ് ചിത്രത്തിൽ ശരത് കുമാറും പ്രധാന കഥാപാത്രമായി ഒപ്പമുണ്ടാകും.
അതുല്യ രവിയും റെയ്സ വില്സണും ചിത്രത്തില് ഉണ്ടാകും എന്നാണ് റിപ്പോര്ട്ടുകള് സൂചിപ്പിക്കുന്നത്. ഛായാഗ്രാഹണം നിര്വഹിക്കുന്നത് അരുള് വിൻസെന്റാണ്. ധിബു നിനാൻ തോമസ് സംഗീത സംവിധാനം നിര്വഹിക്കുന്നു.
‘അസുരൻ’ എന്ന ഹിറ്റ് തമിഴ് ചിത്രത്തില് ധനുഷിന്റെ നായികയായി എത്തിയ മഞ്ജു വാര്യര് അന്നാട്ടിലെ അരങ്ങേറ്റം ഗംഭീരമാക്കിയെന്നായിരുന്നു പ്രേക്ഷകാഭിപ്രായം. മഞ്ജു വാര്യരുടേതായി ഒടുവിലെത്തിയ തമിഴ് ചിത്രം ‘തുനിവാ’ണ്. അജിത്ത് നായകനായെത്തിയ ചിത്രമാണ് ‘തുനിവ്’. എച്ച് വിനോദാണ് തുനിവിന്റെ തിരക്കഥയുംം സംവിധാനവും നിര്വഹിച്ചത്.
സമുദ്രക്കനി, ജോണ് കൊക്കെൻ, അജയ് കുമാര്, വീര, ജി എം സുന്ദര്, പ്രേം കുമാര്, ദര്ശൻ, ശങ്കര്, ദര്ശൻ, ബാല ശരണവണ്, ചിരാഗ് ജനി, റിതുരാജ് സിംഗ്, സിജോയ് വര്ഗീസ്, പവനി റെഡ്ഡി തുടങ്ങി ഒട്ടേറെ പേര് വേഷമിട്ട തുനിവ് വൻ ഹിറ്റായി മാറിയിരുന്നു. ചിത്രത്തിന്റെ നിര്മാണം ബോണി കപൂറാണ്. വിജയ്യുടെ ‘വാരിസി’നൊപ്പം ആയിരുന്നു അജിത്ത് ചിത്രം ‘തുനിവും’ റിലീസ് ചെയ്തത്.. അജിത്ത് കുമാറിന്റെ തുനിവിലെ ജിബ്രാന്റെ സംഗീതത്തിലുള്ള ഗാനങ്ങളും വൻ ഹിറ്റായി മാറിയിരുന്നു.
പ്രതികരിക്കാൻ ഇവിടെ എഴുതുക