മുന് ലോക്സഭാ സ്പീക്കര് സോമനാഥ് ചാറ്റര്ജി (89) അന്തരിച്ചു. വൃക്കസംബന്ധമായ അസുഖത്തെത്തുടര്ന്ന് ചൊവ്വാഴ്ച മുതല് വെന്റിലേറ്ററിലായിരുന്നു. ഇതിനിടെ ഹൃദയാഘാതവുമുണ്ടായിരുന്നു. മസ്തിഷ്കാഘാതത്തെത്തുടര്ന്നും മുൻപ് ചികിത്സയിലായിരുന്നു.
പത്തു തവണ ലോക്സഭാംഗമായിരുന്നു സോമനാഥ് ചാറ്റര്ജി. 1968 മുതല് സിപിഐഎം അംഗമായിരുന്ന സോമനാഥിനെ 2008ല് പാര്ട്ടിയില് നിന്ന് പുറത്താക്കിയിരുന്നു. ഇന്ത്യ-യുഎസ് ആണവ കരാറിനെച്ചൊല്ലി കേന്ദ്രസര്ക്കാരിനുള്ള പിന്തുണ പിന്വലിക്കാന് ഇടതുപാര്ട്ടികള് തീരുമാനിച്ചപ്പോള്, ലോക്സഭാ സ്പീക്കര് സ്ഥാനം രാജി വയ്ക്കാൻ സോമനാഥ് തയ്യാറായില്ല. ഇതേ തുടര്ന്നായിരുന്നു അദ്ദേഹത്തെ പാര്ട്ടിയില് നിന്ന് പുറത്താക്കിയത്.
പ്രതികരിക്കാൻ ഇവിടെ എഴുതുക