നിസാന്റെ പുതിയ സബ് കോംപാക്ട് എസ്.യു.വിയായ കിക്സിന്റെ ബുക്കിങ് ഡിസംബര് 10 മുതല് ആരംഭിക്കും. 50,000 രൂപ സ്വീകരിച്ചായിരിക്കും പ്രീ ബുക്കിങ്. 2019 ജനുവരിയില് ഇന്ത്യന് വിപണിയില് കിക്സ് എത്തുമെന്നാണ് റിപ്പോര്ട്ട്. 9.5 മുതല് 14.5 ലക്ഷം രൂപ വരെ മോഡലിന് വില പ്രതീക്ഷിക്കാം.
വരും ദിവസങ്ങളില് ഇതുസംബന്ധിച്ച ഔദ്യോഗിക പ്രതികരണം കമ്പനി നടത്തിയേക്കും. ആഗോളതലത്തില് നിസാന് കിക്സ് വില്പ്പന ആരംഭിച്ചെങ്കിലും ഏറെ പ്രത്യേകതകളുമായാണ് മോഡലിന്റെ ഇന്ത്യന് പതിപ്പ് വിപണിയിലെത്തുക. 17 ഇഞ്ച് വലിപ്പമുള്ള അഞ്ചു സ്പോക്ക് അലോയ് വീലുകള്, വലിയ ടെയ്ല്ലാമ്ബുകള്, ഉയര്ത്തിയ വിന്ഡ്ഷീല്ഡ്, ബൂട്ടിന് വിലങ്ങനെയുള്ള കട്ടിയേറിയ ക്രോം ലൈനിങ്ങ്, ഷാര്ക്ക് ഫിന് ആന്റീന, സ്കിഡ് പ്ലേറ്റ് എന്നിവയെല്ലാം പിന്നഴകിന് മാറ്റുകൂട്ടും.
കറുത്ത പ്ലാസ്റ്റിക് ക്ലാഡിങ് ബോഡിയിലുടനീളമുണ്ട്. മിററുകള്ക്കും റൂഫ് റെയിലുകള്ക്കും നിറം കറുപ്പാണ്. 1.5 ലിറ്റര് പെട്രോള്, ഡീസല് എന്ജിനുകളിലായിരിക്കും കിക്സ് ലഭിക്കുക. പെട്രോള് എന്ജിന് 104 ബി.എച്ച്.പി. കരുത്തും 142 എന്.എം. ടോര്ക്കുമേകും. 108 ബി.എച്ച്.പി. കരുത്തും 240 എന്.എം. ടോര്ക്കും ഡീസല് എന്ജിന് ഉത്പാദിപ്പിക്കും. പെട്രോള് മോഡലില് അഞ്ച് സ്പീഡും ഡീസലില് ആറ് സ്പീഡും മാനുവല് ഗിയര്ബോക്സും ഒരുക്കും.
പ്രതികരിക്കാൻ ഇവിടെ എഴുതുക