പെരുമ്പാവൂര്: ആനക്കൊമ്ബ് കൈവശം വെച്ച കേസില് നടന് മോഹന്ലാല് അടക്കം നാല് പേര്ക്കെതിരെ സമന്സ് അയക്കാന് പെരുമ്ബാവൂര് മജിസ്ട്രേറ്റ് കോടതി ഉത്തരവിട്ടു. ഡിസംബര് ആറിന് നേരിട്ടു ഹാജരാകണമെന്നാണ് നിര്ദേശം. മോഹന്ലാലിനെ കൂടാതെ ,തൃശൂര് ഒല്ലൂര് സ്വദേശി പി.എന്. കൃഷ്ണകുമാര്, തൃപ്പൂണിത്തുറ എരൂര് സ്വദേശി കെ. കൃഷ്ണകുമാര്, ചെന്നൈ പെനിന്സുല ഹൈറോഡില് താമസിക്കുന്ന നളിനി രാധാകൃഷ്ണന് എന്നിവര്ക്കാണ് ഹാജരാകാന് നിര്ദേശം നല്കിയിരിക്കുന്നത്.
1972 ലെ വന്യജീവി സംരക്ഷണ നിയമം ലംഘിച്ച്, ചീഫ് വൈല്ഡ് ലൈഫ് വാര്ഡന്റെ അനുമതി കൂടാതെ ആനക്കൊമ്പുകള് കൈവശം വയ്ക്കുകയും കൈമാറ്റം നടത്തുകയും അവ വാങ്ങി സൂക്ഷിക്കുകയും സര്ക്കാരിനെ അറിയിക്കാതിരിക്കുകയും ചെയ്തുവെന്നാണ് ഇവര്ക്കെതിരെ കുറ്റം ചുമത്തിയിരിക്കുന്നത്.
പ്രതികരിക്കാൻ ഇവിടെ എഴുതുക