ഗള്ഫ് രാജ്യങ്ങളില്വച്ച് മരണമടയുന്ന പ്രവാസി മലയാളികളുടെ മൃതദേഹങ്ങള് തൊഴില് ഉടമയുടേയോ, സ്പോണ്സറുടെയോ, എംബസിയുടേയോ സഹായം ലഭിക്കാതെ വരുന്ന സാഹചര്യത്തില് സൗജന്യമായി നാട്ടിലെത്തിക്കുന്നതിനുള്ള നോര്ക്കയുടെ പദ്ധതിക്ക് എയര് ഇന്ത്യയുമായി ധാരണയായി.
നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസറും എയര് ഇന്ത്യ എക്സിക്യൂട്ടീവ് ഡയറക്ടര് കാര്ഗോയുമാണ് ധാരണാപത്രത്തില് ഒപ്പവച്ചത്.വിദേശ രാജ്യങ്ങളില് മരണപ്പെടുകയും മൃതദേഹം നാട്ടിലെത്തിക്കാന് സഹായം ലഭിക്കാതെവരികയും ചെയ്യുന്ന സാഹചര്യങ്ങളില് സാമ്പത്തിക വെല്ലുവിളി നേരിടുന്നവർക്ക് ആശ്വാസം നൽകുന്നതാണ് പദ്ധതി.
വിമാനത്താവളങ്ങളില് എത്തിക്കുന്ന മൃതദേഹം നോര്ക്ക റൂട്ട്സിന്റെ നിലവിലുള്ള എമര്ജന്സി ആംബുലന്സ് സര്വീസ് മുഖേന മരണമടയുന്ന പ്രവാസി മലയാളികളുടെ വീടുകളില് സൗജന്യമായി എത്തിക്കും. വിശദ വിവരങ്ങൾക്ക് www.norkaroots.org സന്ദർശിക്കുക.
ടോള് ഫ്രീ നമ്പർ 1800 425 3939, (ഇന്ത്യയില് നിന്നും) 00918802012345 (വിദേശത്ത് നിന്നും മിസ്ഡ് കാള് സേവനം).
പ്രതികരിക്കാൻ ഇവിടെ എഴുതുക