കേരളത്തില് കൊവിഡ് 19 സമൂഹവ്യാപനം ഉണ്ടാകുകയും 50ലധികം ആരോഗ്യപ്രവര്ത്തകര് രോഗബാധിതരാകുകയും ചെയ്ത പശ്ചാത്തലത്തില് സ്വകാര്യമേഖലയെക്കൂടി കൊവിഡ് പ്രതിരോധത്തിനായി അടിയന്തരമായി രംഗത്തിറക്കണമെന്ന് മുന് മുഖ്യമന്ത്രി ഉമ്മന് ചാണ്ടി .
സംസ്ഥാനത്തിന്റെ ആരോഗ്യമേഖലയില് 60 ശതമാനം പങ്കുവഹിക്കുന്നത് സ്വകാര്യമേഖലയാണ്. അവരെക്കൂടി കൊവിഡ് പ്രതിരോധത്തില് ഉള്പ്പെടുത്തിയാല് അതു സര്ക്കാര് മേഖലയെ കൂടുതല് ശക്തിപ്പെടുത്തും. സർക്കാർ ആശുപത്രികൾക്കു മേലുള്ള അമിത സമ്മര്ദ്ദം കുറയുകയും ചെയ്യുമെന്നും അദ്ദേഹം ചൂണ്ടിക്കാട്ടി.
സ്വകാര്യ ആശുപത്രികള്ക്ക് കൊവിഡ് ചികിത്സയ്ക്ക് അനുമതി നല്കുമെന്നു സര്ക്കാര് പ്രഖ്യാപിച്ചെങ്കിലും ഇതു സംബന്ധിച്ച വ്യക്തമായ മാര്ഗനിർദ്ദേശം വേണമെന്നതാണ് ഈ മേഖലയിലുള്ളവരുടെ ആവശ്യം. ആറുമാസത്തിലേറയായി കൊവിഡിനോട് പോരാടുന്നത് സര്ക്കാര് മേഖലയിലെ ആരോഗ്യപ്രവര്ത്തകരാണ്.
തിരുവനന്തപുരം, കോട്ടയം, തൃശൂര്, കോഴിക്കോട്, കണ്ണൂര് മെഡിക്കല് കോളജുകളിലെ ഡോക്ടര്മാര് ഉള്പ്പടെയുള്ള ആരോഗ്യപ്രവര്ത്തകരാണ് രോഗബാധിതരായത്. ജില്ലാ ആശുപത്രികളിലും താലൂക്ക് ആശുപത്രികളിലുമൊക്കെ സമാനമായ സ്ഥിതിവിശേഷമുണ്ട്.
നുണകളെ സ്ഥാപനവത്കരിക്കുകയാണ് ബിജെപി എന്ന് രാഹുൽ ഗാന്ധി; ‘ഇന്ത്യ വലിയ വില കൊടുക്കേണ്ടി വരും’
ലോക്ഡൗണ് കാലത്ത് ആരോഗ്യമേഖലയില് അടിസ്ഥാന സൗകര്യങ്ങള് വര്ധിപ്പിക്കുമെന്നായിരുന്നു സര്ക്കാരിന്റെ വാഗ്ദാനം. എന്നാല് നിലവിലുള്ള കിടക്കകളുടെ എണ്ണം വൈകാതെ തികയാതെ വരും.
ഇപ്പോള് തന്നെ പലയിടത്തും രോഗികളെ അഡ്മിറ്റ് ചെയ്യുന്നതിനു കാലതാമസം ഉണ്ട്. ആരോഗ്യപ്രവര്ത്തകര്ക്ക് ആവശ്യമായ പിപിഐ കിറ്റ്, എന്1 മാസ്ക് തുടങ്ങിയവ ലഭ്യമല്ലെന്നും പരാതി ഉണ്ട്. ആരോഗ്യപ്രവര്ത്തകരെ എന്തുവില കൊടുത്തും സംരക്ഷിക്കേണ്ടത് നമ്മുടെ ഉത്തരവാദിത്തമാണ് എന്നും ഉമ്മൻചാണ്ടി വ്യക്തമാക്കി.
പ്രതികരിക്കാൻ ഇവിടെ എഴുതുക