എറണാകുളം മുളന്തുരുത്തി യാക്കോബായ പള്ളി ഹൈക്കോടതി വിധിയുടെ പശ്ചാത്തലത്തില് ജില്ലാ ഭരണകൂടം ഏറ്റെടുത്തു. പള്ളി ഏറ്റെടുക്കാനുള്ള ശ്രമത്തിനെതിരെ ചിലർ ള് രംഗത്തെത്തി.പൊലീസ് പള്ളിയുടെ ഗേറ്റ് പൊളിച്ച് അകത്ത് കയറി. പള്ളിക്കകത്ത് പ്രതിഷേധിക്കുന്ന വിശ്വാസികളെ ബലമായി നീക്കം ചെയ്യാന് ശ്രമം തുടങ്ങിയതോടെ സ്ഥലത്ത് സംഘര്ഷാവസ്ഥയുണ്ടായി.
പൊലീസിനെ തടയാന് ശ്രമിച്ച വൈദികരേയും മെത്രാപ്പോലീത്തമാരേയും അടക്കം അറസ്റ്റ് ചെയ്ത് നീക്കി പള്ളി ഏറ്റെടുത്തത്. സബ് കളക്ടര് അടക്കം ആവശ്യപ്പെട്ടിട്ടും വിശ്വാസികള് വഴങ്ങാതെ വന്നതോടെ ഗേറ്റ് പൊലീസ് മുറിച്ചുമാറ്റി തള്ളിക്കയറുകയായിരുന്നു.
സുപ്രീംകോടതി വിധിയെ തുടര്ന്ന് നേരത്തേയും പള്ളി ഏറ്റെടുക്കാന് പൊലീസ് എത്തിയിരുന്നു. എന്നാല് പ്രതിഷേധത്തെ തുടര്ന്ന് പിന്മാറേണ്ടിവന്നു. ഇതോടെ എതിര്കക്ഷിയായ ഓര്ത്തഡോക്സ് സഭ വീണ്ടും ഹൈക്കോടതിയെ സമീപിച്ചു. തുടര്ന്ന് എത്രയും പെട്ടെന്ന് പള്ളി ഏറ്റെടുക്കണമെന്ന് കോടതി ഉത്തരവിടുകയായിരുന്നു.
പ്രതികരിക്കാൻ ഇവിടെ എഴുതുക