ജനുവരി ഒന്ന് മുതല് രാജ്യത്തെ നാല് ചക്ര വാഹനങ്ങളില് ഫാസ് ടാഗ് നിര്ബന്ധമാക്കി കേന്ദ്ര ഉപരിതല ഗതാഗത മന്ത്രാലയം. 2017 ഡിസംബര് ഒന്നിന് മുമ്പുള്ള വാഹനങ്ങളിലും ഫാസ്ടാഗ് നല്കണം. ഡിജിറ്റല് രൂപത്തിലുള്ള ടോള് പിരിവ് പ്രോത്സാഹിപ്പിക്കുന്നതിനായാണ് പുതിയ തീരുമാനം.
2017 ഡിസംബര് ഒന്ന് മുതല് നിരത്തുകളില് എത്തിയിട്ടുള്ള വാഹനങ്ങളില് ഫാസ്ടാഗ് നിര്ബന്ധമാക്കിയിരുന്നു. പുതിയ നിര്ദേശം അനുസരിച്ച് പഴയ വാഹനത്തില് നല്കുന്നതിനൊപ്പം ട്രാന്സ്പോര്ട്ട് വാഹനങ്ങളുടെ ഫിറ്റ്നെസ് സര്ട്ടിഫിക്കറ്റ് പുതുക്കണമെങ്കിലും ഫാസ് ടാഗ് വേണം. നാഷണല് പെര്മിറ്റ് വാഹനങ്ങളില് 2019 ഒക്ടോബര് മുതല് ഫാസ്ടാഗ് നിര്ബന്ധമാക്കിയിരുന്നു.
പൂര്ണമായും ഫാസ്ടാഗ് സംവിധാനത്തിലേക്ക് മാറുന്നതോടെ ടോള് പ്ലാസകളിലെ തിരക്ക് കുറയ്ക്കാന് സാധിക്കുമെന്നും വാഹനങ്ങള്ക്ക് തടസമില്ലാതെ കടന്നുപോകാന് കഴിയുമെന്നുമാണ് ഗതാഗത മന്ത്രാലയത്തിന്റെ വിലയിരുത്തല്.എന്നാൽ കേരളത്തിലെ ദേശീയ പാതകളിൽ അത്യാവശ്യത്തിനുള്ള സൗകര്യങ്ങൾ ഒരുക്കാൻ ദേശീയപാത അതോറിട്ടി തയ്യാറായിട്ടില്ലെന്ന് വാഹന ഉടമകൾ ആരോപിക്കുന്നു .നിലവിൽ ഫാസ് ടാഗ് ഉപയോഗത്തിൽ പല പ്രശ്നങ്ങളും ഉയർന്നിട്ടുണ്ടെങ്കിലും വാഹനഉടമകൾക്ക് ധനനഷ്ടം മാത്രമാണ് എപ്പോഴുമുണ്ടാകുന്നതെന്നും വാഹനഉടമകൾ ആരോപിക്കുന്നു .
പ്രതികരിക്കാൻ ഇവിടെ എഴുതുക