രണ്ട് കാബിനറ്റ് മന്ത്രിമാരെ ഒഴിവാക്കിയും ഏതാനും സഹമന്ത്രിമാരെ കാബിനറ്റ് റാങ്കിലേക്ക് ഉയര്ത്തി
കേന്ദ്രമന്ത്രിസഭയില് അഴിച്ചുപണി. പുതിയ മന്ത്രിമാര് ഇന്ന് വൈകിട്ട് ആറ് മണിക്ക് സത്യപ്രതിജ്ഞ ചെയ്യും. ആരോഗ്യപ്രശ്നങ്ങളെ തുടര്ന്ന് മാനവവിഭവ ശേഷി വകുപ്പ് മന്ത്രി രമേശ് പൊഖ്റിയാലിനെ മന്ത്രിസഭയില് നിന്ന് ഒഴിവാക്കുമെന്നാണ് റിപ്പോര്ട്ടുകള്.
അതേസമയം തവര്ചന്ദ് ഗഹലോത്തിനെ കര്ണാടക ഗവര്ണറാക്കിയതോടെ സാമൂഹ്യ നീതി വകുപ്പില് പുതിയ മന്ത്രിവരും. തൊഴില്മന്ത്രി സന്തോഷ് ഗാംഗ്വറും രാജിവച്ചതായും റിപ്പോര്ട്ടുണ്ട്. അനുരാഗ് താക്കൂര്, പുരുഷോത്തം രൂപല്ല, ജി കിഷന് റെഡ്ഡി എന്നിവരെ കാബിനറ്റ് റാങ്കിലേക്ക് ഉയര്ത്തിയേക്കും മന്ത്രിസഭയിലേക്ക് 20ല് അധികം പുതിയ മന്ത്രിമാരെ ഉള്പ്പെടുത്തുമെന്നാണ് റിപ്പോര്ട്ടുകള്.
സ്ത്രീകള്ക്കും പട്ടികവിഭാഗക്കാര്ക്കും പിന്നാക്ക വിഭാഗങ്ങളില് നിന്നുള്ളവര്ക്കും കൂടുതല് പ്രതിനിധ്യം ലഭിക്കുന്ന രീതിയിലായിരിക്കും പുനഃസംഘടന. ശോഭാ കരന്തലജെ, നാരായണ് റാണെ, മീനാക്ഷി ലേഖി, ജ്യോതിരാദിത്യ സിന്ധ്യ, അനുപ്രിയാ പട്ടേല്, സോനേവാള്, അജയ് ഭട്ട്, സുനിത ദഗ്ഗല്, ഭൂപേന്ദര് യാദവ്, ഹീനാ ഗാവിത്, കപില് പാട്ടീല് എന്നിവര് മന്ത്രിമാരാകുമെന്നാണ് സൂചന. നിലവില് പ്രധാനമന്ത്രി അടക്കം 54 പേരാണ് മന്ത്രിസഭയിലുള്ളത്. 81 അംഗങ്ങള് വരെയാകാം മന്ത്രിസഭയില്.
പ്രതികരിക്കാൻ ഇവിടെ എഴുതുക