നമ്മൾ പലരും ഉറക്കത്തിൽ ഞെട്ടി ഉണരാറുണ്ട്, അത് എന്തുകൊണ്ടാണെന്ന് നിങ്ങൾ ചിന്തിച്ചിട്ടുണ്ടോ? വല്ലാതെ സമ്മര്ദ്ദം അനുഭവിച്ചോ അമിതമായി ക്ഷീണിച്ചോ ഉറങ്ങാന് കിടക്കുകയോ, അല്ലെങ്കില് ക്രമം തെറ്റിയ ഉറക്കശീലം ഉള്ളവരോ ഉറക്കത്തിൽ ഞെട്ടി ഉണരുന്നത്. സാധാരണ ഗതിയില് ഉറങ്ങുന്ന ക്രമം തെറ്റുമ്പോഴാണ് ഇങ്ങനെ സംഭവിക്കുന്നത്
നമ്മുടെ ഉറക്കം മൂന്ന് ഘട്ടങ്ങളിലൂടെ കടന്നു പോകുന്നത് . ലഘുനിദ്ര, ഗാഢനിദ്ര, ദ്രുതനേത്ര ചലനം എന്നീ ഘട്ടങ്ങളിലൂടെയാണ് ഒരാളുടെ ഉറക്കം കടന്നു പോകുന്നത്. ഈ പ്രക്രിയക്ക് ഭംഗം വരുമ്പോഴാണ് ഉറക്കത്തില് ഞെട്ടുന്നത്സാ.
ധാരണ ഗതിയില് ലഘുനിദ്ര പതിയെ ഗാഢനിദ്രയിലേക്ക് മാറുന്നു. ഒരു മണിക്കൂര് കഴിയുന്നതോടെ ദ്രുതനേത്രചലനം എന്ന അവസ്ഥയിലെത്തും. ഈ സാധാരണ പ്രക്രിയയ്ക്ക് നിദാനമാകുന്നതാകട്ടെ നമ്മുടെ മസിലുകള് പതുക്കെ അയയുന്നതും മസിലുകള് തളരുന്നതുമാണ്.
എന്നാൽ ക്ഷീണിച്ചോ വല്ലാതെ സമ്മര്ദ്ദം അനുഭവിച്ച് കിടക്കുമ്പോഴോ നമ്മള് വളരെ പെട്ടെന്ന് ഉറക്കത്തിലേക്ക് വീഴുന്നു. എന്നാല്, ഉറക്കത്തോട് നമ്മുടെ ശരീരം തയ്യാറായിരിക്കില്ല. അതിനാല് തന്നെ മസിലുകള് അയയുകയോ റിലാക്സ് ചെയ്യപ്പെടുകയോ ചെയ്യുന്നില്ല. ഉറക്കത്തിലേക്ക് വീഴുന്ന നമ്മള് പല സ്വപ്നങ്ങളും കാണുന്നുണ്ട്. ഈ സ്വപ്നങ്ങളോട് ശരീരം തയ്യാറല്ലാത്തതു കൊണ്ടാണ് ഉറക്കത്തില് പെട്ടെന്ന് ഞെട്ടുന്നതെന്നാണ് വിദഗ്ധർ പറയുന്നത്
പ്രതികരിക്കാൻ ഇവിടെ എഴുതുക