എപ്പോൾ ഭക്ഷണം കിട്ടിയാലും ഭക്ഷണം കഴിക്കുന്ന ശീലം ഒഴിവാക്കലാണ് പല്ലുകളുടെ ആരോഗ്യ സംരക്ഷണത്തിനുള്ള ഏറ്റവും പ്രധാന കാര്യം. മാത്രമല്ല എപ്പോൾ ഭക്ഷണം കഴിച്ചാലും ഭക്ഷണ ശേഷം വായ നല്ല പോലെ കഴുകി വൃത്തിയാക്കണമെന്നും ദന്തൽ വിദഗ്ധർ ഓർമ്മപ്പെടുത്തുന്നു.
പല്ലുകളുടെ ആരോഗ്യം സംരക്ഷിക്കാൻ താഴെ പറയുന്ന കാര്യങ്ങൾ കൂടി ഓർക്കുക.
മധുര പലഹാരങ്ങൾ, ഒട്ടിപിടിക്കുന്ന ചോക്ലേറ്റ്, മിഠായികൾ ഉപയോഗം കുറയ്ക്കുക. ശീതളപാനിയങ്ങൾ, കോളകൾ ഇവയുടെ ഉപയോഗം കുറയ്ക്കുക. പുകവലിയും വെറ്റില മുറുക്കും, മദ്യപാനവും ഒഴിവാക്കാം.
ഫാസ്റ്റ് ഫുഡ് ഉപയോഗം കുറയ്ക്കാം
പല്ലുകളുടെ ആരോഗ്യത്തിന് പോഷക മൂല്യങ്ങൾ അടങ്ങിയ ഭക്ഷണം കഴിക്കുന്നത് ശീലമാക്കാം . ശരീരത്തിലെ ഏറ്റവും കട്ടിയിട്ടുള്ള പല്ലുകളുടെ പുറം പാളിയായ ‘ഇനാമല്’ എന്ന കവചത്തിന്റെ ആരോഗ്യത്തിനും, പല്ലുകള് ആരോഗ്യത്തോടെ ജീവിതാവസാനം വരെ നിലനിർത്തുവാനും അനുവർത്തികേണ്ട ഭക്ഷണ ശീലങ്ങൾ പ്രധാനമാണ്.
നമ്മുടെ ഭക്ഷണക്രമത്തിൽ ഇടയ്ക്ക് ആപ്പിൾ കഴിച്ചാൽ പല്ലുകളില് ദന്തക്ഷയം ഉണ്ടാകുന്നതു തടയാന് കഴിയും. ചവച്ചിറക്കുന്നതും നാരുകളടങ്ങിയതുമായ പഴങ്ങള് പല്ലുകളില് പറ്റിപിടിക്കുന്ന ബാക്ടീരിയകളെ നീക്കം ചെയ്യും. വിറ്റാമിനുകളും ധാതുക്കളും ധാരാളം അടങ്ങിയ ആപ്പിള് ദന്താരോഗ്യത്തിന് മാത്രമല്ല, ശരീരത്തിന്റെ മൊത്തം ആരോഗ്യത്തിനും നല്ലതാണ്.
വിറ്റാമിന് ധാരാളം അടങ്ങിയ. ഓറഞ്ച്, നാരങ്ങ, പൈനാപ്പിള്, തക്കാളി, വെള്ളരിക്ക നെല്ലിക്ക, കാരറ്റ്, പേരക്ക, സപ്പോട്ട തുടങ്ങിയവയൊക്കെ ഉള്പ്പെടുത്താം. ഇവ പല്ലുകളുടെ ആരോഗ്യത്തെ സംരക്ഷിക്കും. ഒപ്പം ഫലവർഗ്ഗങ്ങളിലുള്ള വിറ്റാമിന് സി രോഗ പ്രതിരോധശേഷി കൂട്ടാന് സഹായിക്കും,
മുരിങ്ങയില, ചീര, മലക്കറികൾ ഇവയെല്ലാം ദന്താരോഗ്യത്തിന് വളരെ നല്ലതാണ്.
നേന്ത്രപഴം വിറ്റാമിനുകള്, മിനറലുകള്, പൊട്ടാസ്യം എന്നിവയാല് സമ്പന്നമാണ്. അതിനാൽ പഴം കഴിക്കുന്നത് രോഗപ്രതിരോധശക്തി നേടാന് മാത്രമല്ല പല്ലിന്റെ ആരോഗ്യം വര്ധിപ്പിക്കാനും വളരെ നല്ലതാണ്. പഴത്തിൽ ധാരാളം fibers ഉള്ളതിനാൽ പല്ലുകളില് പുളിപ്പ് അനുഭവപ്പെടാതിരിക്കാനും മറ്റ് ദന്തരോഗങ്ങളെ അകറ്റാനും പല്ലുകളുടെ നിറം വര്ധിപ്പിക്കാനും ദിവസവും പഴം കഴിക്കുന്നത് നല്ലതാണ്.
വിറ്റാമിനുകള് ധാരാളം അടങ്ങിയ ചക്കയും ദന്താരോഗ്യത്തിന് മികച്ചതാണ് എന്നാണ് പുതിയ പഠനങ്ങളിൽ വിദഗ്ധര് പറയുന്നത്. നാരുകള് ധാരാളം അടങ്ങിയ ഭക്ഷണങ്ങള് കഴിക്കുന്നതും പല്ലുകളുടെ ആരോഗ്യത്തിന് നല്ലതാണ്.
ചീര, മറ്റു പച്ചിലക്കറികള്, കക്കിരിക്ക,എന്നിവ വിറ്റാമിനുകളുടെയും ധാതുക്കളുടെയും ഉറവിടമാണ്. ഇവയില് അടങ്ങിയിരിക്കുന്ന വിറ്റാമിന് എ, ‘ഫോളിക് ആസിഡ്’ എന്നിവ പല്ലിന്റെയും മോണയുടെയും ആരോഗ്യം മെച്ചപ്പെടുത്താന് സഹായിക്കും.
കാത്സ്യം, ഫോസ്ഫറസ് എന്നീ മൂലകങ്ങൾ പല്ലുകളുടെ ആരോഗ്യത്തിന് പ്രധാനമാണ് പാലും പാലുത്പന്നങ്ങളും പല്ലിന്റെ ആരോഗ്യത്തിന് വളരെ നല്ലതാണ്. പാല്, ചീസ്, തൈര് എന്നിവയില് കാത്സ്യം, ഫോസ്ഫറസ് എന്നിവ അടങ്ങിയിട്ടുണ്ട്. ഇത് പല്ലിന്റെ ഇനാമലിനെ സംരക്ഷിക്കും. പാല് ഉത്പന്നങ്ങളിലെ പോഷകങ്ങള്ക്ക് ബാക്ടീരിയ ഉത്പാദിപ്പിക്കുന്ന ചില ആസിഡുകളെ നിര്വീര്യമാക്കാന് കഴിയും. ഇതുവഴി ഇവയ്ക്ക് പല്ലുകളുടെ ആരോഗ്യത്തെ സംരക്ഷിക്കാന് കഴിയും.
കടൽ മത്സ്യങ്ങളിൽ നല്ല അളവിൽ കാത്സ്യം അടങ്ങിയിട്ടുണ്ട്. അതിനാൽ മത്തി, അയല എന്നീ മത്സ്യങ്ങൾ ഭക്ഷണ ക്രമത്തിൽ ഉൾപ്പെടുത്താം.
മുട്ട പല്ലുകളുടെ ആരോഗ്യത്തിന് നല്ലതാണ് .പല്ലുകളുടെ ആരോഗ്യത്തിന് പ്രധാന ധാതുക്കളായ കാത്സ്യം, പ്രോട്ടീന്, വിറ്റാമിന് ഡി എന്നിവ വളരെ അത്യാവശ്യമാണ്. ഇവയുടെ മികച്ച ഉറവിടമാണ് മുട്ട. അതിനാല് മുട്ട ഭക്ഷണക്രമത്തിൽ ഉള്പ്പെടുത്തുന്നത് ദന്താരോഗ്യത്തിന് നല്ലതാണ്; പ്രത്യേകിച്ച് കുട്ടികൾക്ക്നമ്മുടെ കുടിവെള്ള തതിൽ നിശ്ചിത അളവിൽ ഫ്ളൂറൈഡ് അടങ്ങിയിരിക്കേണ്ടത് അത്യാന്താപേക്ഷിതമാണ്. അതിനാൽ ആരോഗ്യമുള്ള പല്ലുകൾക്ക് നല്ല കുടിവെള്ളത്തിന്റെ പ്രാധാന്യവും ഏറെയാണ്.
പ്രതികരിക്കാൻ ഇവിടെ എഴുതുക