ലഹരി ഉപയോഗിക്കുന്ന അഭിനേതാക്കളുടെ പട്ടിക താരസംഘടനയായ ‘അമ്മ’യുടെ പക്കലുണ്ടെന്ന ഭരണസമിതിയംഗം ബാബുരാജിന്റെ വെളിപ്പെടുത്തല് തള്ളി ജനറല് സെക്രട്ടറി ഇടവേള ബാബു രംഗത്ത്. തന്റെ കൈയിൽ ലഹരി ഉപയോഗിക്കുന്ന നടന്മാരുടെ പട്ടികയൊന്നുമില്ലെന്നും നിർമ്മാതാക്കൾ ഇതുവരെ രേഖാമൂലം പരാതിനൽകിയിട്ടില്ലെന്നും ഇടവേള ബാബു പറഞ്ഞു.
അമ്മയിലും ഇത് ചര്ച്ചയായിട്ടില്ല എന്നും സിനിമയില് ആരൊക്കെയാണ് ലഹരി ഉപയോഗിക്കുന്നതെന്നുമുള്ളത് പരസ്യമായ രഹസ്യമാണ് എന്നും ഇടവേള ബാബു പറഞ്ഞു. സര്ക്കാര് സ്വീകരിക്കുന്ന ഏതു നടപടിയോടും സഹകരിക്കും എന്നും അദ്ദേഹം കൂട്ടിച്ചേർത്തു.
ജോലി ചെയ്യുമ്പോഴോ ജോലിസ്ഥലത്തോ ലഹരിമരുന്ന് ഉപയോഗിക്കാന് പാടില്ലെന്നും പൊതുസ്ഥലങ്ങളില് മോശമായി പെരുമാറരുതെന്നും അമ്മയുടെ ബൈലോയില് ഉള്പ്പെടുത്തിയിട്ടുണ്ട്. പുതിയ അംഗത്വ അപേക്ഷ പരിഗണിക്കുമ്പോള് ലഹരിമരുന്ന് ഉപയോഗത്തെക്കുറിച്ചുള്ള കര്ശനപരിശോധനയുണ്ടാകും എന്നും ഇടവേള ബാബു പറഞ്ഞു.
പ്രതികരിക്കാൻ ഇവിടെ എഴുതുക