ചെങ്ങന്നൂര്: മുളക്കുഴയില് വാഹനം ഇടിച്ചു വൈദ്യുതി തൂണ് ഒടിഞ്ഞ് അപകടം. അപകട സ്ഥലത്തെത്തിയ 10 പേര്ക്ക് ഷോക്കേറ്റു. ഒരു യുവാവിന് ഗുരുതര പരിക്കേറ്റു.
മറ്റുള്ളവരുടെ സ്ഥിതി ഗുരുതരമല്ലെന്ന് ആശുപത്രി അധികൃതര് അറിയിച്ചു. എംസി റോഡില് മുളക്കുഴ മാര്ത്തോമ്മാ പള്ളിക്കു മുന്നില് ഞായറാഴ്ച പുലര്ച്ചെ ഒരു മണിയോടെ ആയിരുന്നു സംഭവം.
പന്തളം ഭാഗത്തേക്കു പോയ പിക്കപ് വാന് ഇടിച്ചു 11 കെവി ലൈനിന്റെ വൈദ്യുതി തൂണാണ് ഒടിഞ്ഞത്. അപകടത്തിനിടയാക്കിയ വാഹനം നിര്ത്താതെ ഓടിച്ചു പോയി.
ശബ്ദം കേട്ടു പുറത്തിറങ്ങിയ സമീപവാസികള്ക്കും കെഎസ്ആര്ടിസി സ്വിഫ്റ്റ് ബസില് നിന്നിറങ്ങിയ ജീവനക്കാര്ക്കും യാത്രക്കാര്ക്കുമാണു ഷോക്കേറ്റത്.
പ്രതികരിക്കാൻ ഇവിടെ എഴുതുക