കൊച്ചി: കേരളത്തിലെത്തിയ പിഡിപി നേതാവ് അബ്ദുള് നാസര് മഅദനിയെ ആശുപത്രിയില് പ്രവേശിപ്പിച്ചു. എറണാകുളം മെഡിക്കല് ട്രസ്റ്റ് ആശുപത്രിയിലാണ് ചികിത്സ. കൊച്ചിയില് നിന്നും കൊല്ലം അന്വാര്ശേരിയിലേക്ക് പോകുന്ന വഴി ദേഹാസ്വാസ്ഥ്യമുണ്ടായതിനെ തുടര്ന്നാണ് മഅദനിയെ ആശുപത്രിയില് പ്രവേശിപ്പിച്ചത്.
ജാമ്യ വ്യവസ്ഥകളില് ഇളവ് ലഭിച്ചതോടെയാണ് മഅദനിക്ക് കേരളത്തിലേക്ക് എത്താന് സാഹചര്യമുണ്ടായത്. ചികിത്സയിലുള്ള പിതാവിനെ കാണാന് പന്ത്രണ്ട് ദിവസം കേരളത്തില് തുടരുന്ന മഅദനി ജൂലൈ ഏഴിന് ബംഗളൂരുവിലേക്ക് മടങ്ങും. പിഡിപി പ്രവര്ത്തകരും കോണ്ഗ്രസ് പ്രവര്ത്തകരും മഅദനിയെ വരവേല്ക്കാന് കൊച്ചി നെടുമ്പാശേരി വിമാനത്താവളത്തിലെത്തിയിരുന്നു.
പ്രതികരിക്കാൻ ഇവിടെ എഴുതുക