ഉമ്മന്ചാണ്ടിയുടെ വിയോഗത്തില് സാധാരണക്കാര് ഒഴുക്കുന്ന കണ്ണീരാണ് അദ്ദേഹത്തിന്റെ വലുപ്പമെന്ന പ്രതികരണവുമായി നടനും മുന് എംപിയുമായ സുരേഷ് ഗോപി. അറിവ് സമ്പാദിച്ചുള്ള ഉമ്മന്ചാണ്ടിയുടെ പ്രവര്ത്തനങ്ങള് ശ്ലാഘനീയമാണെന്ന് സുരേഷ് ഗോപി മാധ്യമങ്ങളോട് പറഞ്ഞു.
‘മറ്റാര്ക്കും ഉമ്മന്ചാണ്ടിയെ പോലെ ഒരാളായി മാറാന് കഴിയില്ല. അദ്ദേഹത്തിന്റെ വലുപ്പമാണ് ഈ കണ്ണീര് കാഴ്ചയില് കാണുന്നത്. ചേതനയറ്റ് കിടക്കുമ്പോള് കൊടുക്കുന്ന പാഠവും ഒരാള് കടന്നുവരുമ്പോള് കൊടുക്കുന്ന ആദരവും ആളുകള് തിരിച്ചറിയുകയും മനസിലാക്കുകയും തിരുത്തുകയും ചെയ്യുമെന്നും
സുരേഷ് ഗോപി പറഞ്ഞു.
താനും ഉമ്മന്ചാണ്ടിയുമായുള്ള ബന്ധത്തെ കുറിച്ച് ആ കുടുംബത്തിനും മകള്ക്കും നന്നായി അറിയാം. ആ അടുപ്പം അദ്ദേഹവുമായി ചേര്ന്നുനിന്ന രാഷ്ട്രീയ പ്രവര്ത്തകര്ക്കും അറിയാമെന്നും സുരേഷ് ഗോപി കൂട്ടിച്ചേർത്തു
പ്രതികരിക്കാൻ ഇവിടെ എഴുതുക