ലോക സിംഹ ദിനത്തില് വന്യജീവികളുടെ സംരക്ഷണ പ്രവര്ത്തനങ്ങളെ പ്രകീര്ത്തിച്ച് പ്രധാനമന്ത്രി നരേന്ദ്ര മോദി രംഗത്ത്. രാജ്യത്ത് സിംഹങ്ങളുടെ എണ്ണത്തില് ഇപ്പോള് ക്രമാനുഗതമായ വര്ദ്ധനവുണ്ടെന്ന് പ്രധാനമന്ത്രി അറിയിച്ചു.
ഏഷ്യാറ്റിക് സിംഹങ്ങളുടെ ആവാസ കേന്ദ്രമായി ഇന്ത്യ മാറിയതില് താന് അഭിമാനിക്കുന്നുവെന്നും പ്രധാന മന്ത്രി കൂട്ടിച്ചേര്ത്തു. ‘നമ്മുടെ ഹൃദയങ്ങളെ ശക്തിയും മഹത്വവും കൊണ്ട് ആകര്ഷിക്കുന്ന രാജകീയ പ്രൗഢിയുള്ള സിംഹങ്ങളെ ആഘോഷിക്കാനുള്ള അവസരമാണ് ഇന്ന്. ഏഷ്യാറ്റിക് സിംഹങ്ങളുടെ ആവാസകേന്ദ്രമെന്ന നിലയില് ഇന്ത്യ അഭിമാനിക്കുന്നു, കഴിഞ്ഞ കുറച്ച് വര്ഷങ്ങളായി ഇന്ത്യയില് സിംഹങ്ങളുടെ എണ്ണത്തില് ക്രമാനുഗതമായ വര്ധനവ് ഉണ്ടായിട്ടുണ്ട് എന്ന് മോഡി ട്വീറ്റ് ചെയ്തു.
‘സിംഹങ്ങളുടെ ആവാസ വ്യവസ്ഥ സംരക്ഷിക്കുന്നതിനായി പ്രവര്ത്തിക്കുന്ന എല്ലാവരെയും ഞാന് അഭിനന്ദിക്കുന്നു. വരും തലമുറകളിലേക്ക് അവ കൂടുതല് അഭിവൃദ്ധിപ്പെടുമെന്ന് ഉറപ്പാക്കിക്കൊണ്ട് നമുക്ക് അവരെ സംരക്ഷിക്കുകയും ചെയ്യാമെ’ന്ന് പ്രധാനമന്ത്രി കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക