കൊച്ചിയില് എംഡിഎംഎയുമായി നാല് യുവാക്കള് അറസ്റ്റിലായതായി റിപ്പോർട്ട്. രണ്ട് പേര് പാലാരിവട്ടത്തും രണ്ട് പേര് ശാന്തിപുരത്തുമാണ് പിടിയിലായത്. പാലാരിവട്ടത്ത് പിടിയിലായവരില് നിന്ന് 54 ഗ്രാം എം.ഡി.എം.എയും ശാന്തിപുരത്ത് പിടിയിലായവരില് നിന്ന് 4.42 ഗ്രാം എംഡിഎംഎയുമാണ് കണ്ടെടുത്ത് എന്നാണ് പോലീസ് പറയുന്നത്.
ലഹരി വില്പനയ്ക്കിടെയാണ് യുവാക്കളെ പിടികൂടിയതെന്ന് പൊലീസ് പറഞ്ഞു. മലപ്പുറം സ്വദേശി മെഹറൂബ്, കോഴിക്കോട് സ്വദേശി മുഹമ്മദ് റഷീദ് എന്നിവരാണ് പാലാരിവട്ടത്തു നിന്ന് ലഹരി മരുന്നുമായി പൊലീസിന്റെ പിടിയിലായത്. ഇവര് ബംഗളുരുവില് നിന്ന് കാറില് കടത്തിക്കൊണ്ട് വന്ന എംഡിഎംഎയാണ് കൈവശമുണ്ടായിരുന്നത് എന്നാണ് പോലീസ് പറഞ്ഞത്.
പാലാരിവട്ടത്തെ ഒരു ഹോട്ടലിന് സമീപം വെച്ച് ആണ് ഇവര് ഇത് വില്പന നടത്താന് ശ്രമിച്ചത്. ഇവിടെ വെച്ചുതന്നെ രണ്ട് പേരും പൊലീസിന്റെ പിടിയിലാവുകയായിരുന്നു. ലഹരി വസ്തുക്കള് എവിടെ നിന്നാണ് എത്തിച്ചതെന്നും ആര്ക്കാണ് വില്ക്കാന് ശ്രമിച്ചതെന്നും ഉള്പ്പെടെയുള്ള കാര്യങ്ങളില് പൊലീസ് അന്വേഷണം നടത്തിവരികയാണ്.
പ്രതികരിക്കാൻ ഇവിടെ എഴുതുക