കൊച്ചി: സ്വകാര്യ സമയങ്ങളിൽ അശ്ലീല വീഡിയോ സ്വകാര്യമായി കാണുന്നത് നിയമപരമായി തെറ്റല്ലെന്ന് ഹൈക്കോടതി. ഇത്തരം വീഡിയോകൾ പ്രചരിപ്പിക്കുന്നതും വിതരണം ചെയ്യുന്നതുമാണ് തെറ്റെന്നും കോടതി പറഞ്ഞു.
പൊതുസ്ഥലത്ത് അശ്ലീല വീഡിയോ കണ്ട യുവാവിനെതിരെ ആലുവ പൊലീസ് രജിസ്റ്റർ ചെയ്ത കേസ് റദ്ദാക്കിയാണ് ഹൈക്കോടതി നിരീക്ഷണം. ജസ്റ്റിസ് പി.വി കുഞ്ഞികൃഷ്ണന്റെ സിംഗിൾ ബെഞ്ചാണ് കേസ് പരിഗണിച്ചത്. പുതിയ കാലത്ത് ഇത്തരം വീഡിയോ കിട്ടാൻ എളുപ്പമാണെന്നും അദ്ദേഹം പറഞ്ഞു.
പ്രായപൂര്ത്തിയാകാത്ത കുട്ടികള്ക്ക് മൊബൈല് ഫോണ് നല്കുന്നതിലെ അപകടത്തേയും കോടതി ഓര്മ്മിപ്പിച്ചു. ഇന്റര്നെറ്റ് സൗകര്യമുള്ള മൊബൈല് ഫോണുകള് വഴി അശ്ലീല ദൃശ്യങ്ങള് എളുപ്പത്തില് കുട്ടികളിലെത്തും. ഇത് കടുത്ത പ്രത്യാഘാതങ്ങള് ഉണ്ടാക്കുമെന്നും കോടതി നിരീക്ഷിച്ചു. മൊബൈല് ഫോണ് വഴി വിജ്ഞാനപ്രദമായ വാര്ത്തകളും ദൃശ്യങ്ങളും മാതാപിതാക്കൾ കുട്ടികളെ കാണിക്കണമെന്നും ഹൈക്കോടതി വിധിയിലുണ്ട്.
പ്രതികരിക്കാൻ ഇവിടെ എഴുതുക