തിരുവനന്തപുരം: തിരുവനന്തപുരം: അംഗീകൃതമല്ലാത്ത ലോണ് ആപ്പുകള് ഉപയോഗിച്ച് വായ്പ എടുത്തതിലൂടെ തട്ടിപ്പിന് ഇരയായവര്ക്ക് പരാതി നല്കാന് പ്രത്യേക വാട്ട്സ്ആപ്പ് നമ്പര് സംവിധാനം നിലവില് വന്നു. 94 97 98 09 00 എന്ന നമ്പറില് 24 മണിക്കൂറും പൊലീസിനെ വാട്ട്സ്ആപ്പില് ബന്ധപ്പെട്ട് വിവരങ്ങള് കൈമാറാം. ലോണ് ആപ്പുകള് വഴിയുള്ള തട്ടിപ്പുകളില് ആളുകള് വ്യാപകമായി ഇരകളാകുന്ന സാഹചര്യത്തിലാണ് പൊലീസിന്റെ നടപടി.
ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി മാത്രമാണ് പരാതി നൽകാൻ കഴിയുക. നേരിട്ടുവിളിച്ച് സംസാരിക്കാനാവില്ല. ആവശ്യമുള്ളപക്ഷം പരാതിക്കാരെ പൊലീസ് തിരിച്ചുവിളിച്ച് വിവരങ്ങൾ ശേഖരിക്കും. തിരുവനന്തപുരത്ത് പൊലീസ് ആസ്ഥാനത്താണ് ഈ സംവിധാനം പ്രവർത്തിക്കുന്നത്.
അംഗീകൃതമല്ലാത്ത ലോൺ ആപ്പിന് എതിരെയുള്ള പൊലീസിന്റെ പ്രചാരണ പ്രവർത്തനങ്ങൾക്കും തുടക്കമായി. ഇത്തരം തട്ടിപ്പുകൾക്കെതിരെ ജില്ലാ പൊലീസ് മേധാവിമാരും പ്രചാരണം നടത്തും. കടമക്കുടിയില് നിജോയും കുടുംബവും ആത്മഹത്യ ചെയ്തതിന് കാരണം ലോണ് ആപ്പില് നിന്നടക്കമുള്ള കടബാധ്യതയാണെന്ന് റിപ്പോര്ട്ടുകളുണ്ടായിരുന്നു.
പ്രതികരിക്കാൻ ഇവിടെ എഴുതുക