തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്ത് ആദ്യ കപ്പല് അടുക്കുന്ന ചടങ്ങിലേലേക്ക് പൊതുജനങ്ങള്ക്കും പ്രവേശനം. എല്ലാവര്ക്കും നിയന്ത്രണങ്ങള്ക്ക് വിധേയമായി പരിപാടിയില് പങ്കുചേരാം. പ്രവേശനത്തിന് പ്രത്യേക പാസുകള് വേണ്ടെന്ന് മന്ത്രി അഹമ്മദ് ദേവര്കോവില് പറഞ്ഞു.
പങ്കെടുക്കുന്നവര് മൂന്നു മണിക്ക് മുന്പായി തുറമുഖത്ത് എത്തേണ്ടതാണ്. തുറമുഖത്തിന്റെ പ്രധാന കവാടത്തോട് ചേര്ന്നുള്ള പാര്ക്കിംഗ് ഏരിയയില് വാഹനം പാര്ക്ക് ചെയ്ത് സുരക്ഷ പരിശോധനകള്ക്ക് ശേഷം തുറമുഖത്തിനകത്തേക്ക് പ്രവേശിക്കണമെന്ന് മന്ത്രി അറിയിച്ചു.
തമ്പാനൂര് കെ.എസ്.ആര്.ടി.സി സ്റ്റാഡില് നിന്നും ഉച്ചക്ക് 2 മണി മുതല് വിഴിഞ്ഞത്തേക്കും, 6 മണി മുതല് തിരിച്ചും സൗജന്യ ബസ് സര്വ്വീസ് ഉണ്ടായിരിക്കുന്നതാണ്.
പ്രതികരിക്കാൻ ഇവിടെ എഴുതുക