കരുവന്നൂര് സഹകരണ ബാങ്ക് തട്ടിപ്പിലെ കള്ളപ്പണം ഇടപാടില് ഇ.ഡി.യുടെ ചോദ്യം ചെയ്യല് ഇന്നും തുടരും. കേസില് പെരിങ്ങണ്ടൂര് ബാങ്ക് പ്രസിഡണ്ട് എം ആര് ഷാജന് ഇന്ന് ഇ ഡിക്ക് മുന്നില് ഹാജരായേക്കും എന്നാണ് പുറത്തു വരുന്ന റിപ്പോർട്ട്. ഇദ്ദേഹത്തോട് മൊഴി നല്കാന് ഹാജരാകണമെന്ന് ആവശ്യപ്പെട്ട് ഇ.ഡി നോട്ടീസ് നല്കിയിരുന്നു.
അതേസമയം പ്രതികള് ബാങ്കില് സാമ്പത്തിക പാടുകള് നടത്തിയിട്ടുണ്ടോ എന്ന് പരിശോധിക്കുന്നതിന് വേണ്ടിയാണ് എന്ഫോഴ്സ്മെന്റ് ഡയറക്ടറേറ്റിന്റെ ചോദ്യം ചെയ്യല്എന്നാണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം.
കേസിലെ പ്രതിയായ പി ആര് അരവിന്ദാക്ഷന്റെയും ജില്സിന്റേയും ജാമ്യാപേക്ഷ കലൂര് പി എം എല് എ കോടതി നാളെ പരിഗണിക്കും. ഇരുവരും കേസിലെ പ്രധാന പ്രതികളാണെന്നും ഇവര്ക്ക് ജാമ്യം അനുവദിക്കരുതെന്നും ഇ.ഡി. കോടതിയെ അറിയിക്കും എന്നാണ് പുറത്തു വരുന്ന റിപ്പോർട്ട്.
പ്രതികരിക്കാൻ ഇവിടെ എഴുതുക