തിരുവനന്തപുരം: തിരുവനന്തപുരം ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്ക് നാളെ അവധി പ്രഖ്യാപിച്ച് തിരുവനന്തപുരം കളക്ടര്. തലസ്ഥാനത്ത് കഴിഞ്ഞ ദിവസങ്ങളില് പല സ്ഥലങ്ങളിലും ശക്തമായ മഴ പെയ്തിരുന്നു. ഇതേ തുടര്ന്ന് പല പ്രദേശങ്ങളിലെയും സ്കൂളുകള് ദുരിതാശ്വാസ ക്യാമ്പായി പ്രവര്ത്തിക്കുകയാണ്. ഈ സാഹചര്യത്തിലാണ് കളക്ടര് അവധി പ്രഖ്യാപിച്ചിട്ടുള്ളത്.
അറബിക്കടലിലെ ചക്രവാതച്ചുഴി 36 മണിക്കൂറിനുള്ളില് ന്യൂനമര്ദമായി മാറുമെന്ന അറിയിപ്പ് നിലവിലിരിക്കെ ബംഗാള് ഉള്ക്കടലിലും ന്യൂനമര്ദ്ദം രൂപപ്പെടുന്നുവെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഒക്ടോബര് 20ഓടെ മധ്യ ബംഗാള് ഉള്ക്കടലില് ന്യൂനമര്ദ്ദം രൂപപ്പെടാന് സാധ്യതയെന്നാണ് അറിയിപ്പ്. വരും ദിവസങ്ങളിലും കേരളത്തില് മഴ ശക്തമായി തുടരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക