ദുബൈ: ദുബൈയിൽ ഗ്യാസ് സിലിണ്ടര് പൊട്ടിത്തെറിച്ച് നിരവധി മലയാളികള്ക്ക് പരിക്ക്. മൂന്നുപേരുടെ നില ഗുരുതരാണ്. ദുബൈയിലെ കറാമയില് ആണ് സംഭവം. ഒമ്പതോളം പേരെ ദുബായിലെ വിവിധ ആശുപത്രികളില് പ്രവേശിപ്പിച്ചു.
കണ്ണൂര് തലശ്ശേരി പുന്നോല് സ്വദേശികളായ നിധിന് ദാസ്, ഷാനില്, നഹീല് എന്നിവരെ ഗുരുതര പരിക്കുകളോടെ ദുബായ് റാശിദ് ആശുപത്രിയില് പ്രവേശിപ്പിച്ചു. നിധിന് ദാസിന്റെ പരിക്കുകള് അതീവ ഗുരുതരമാണെന്ന് നേരിയ പരിക്കുകളോടെ രക്ഷപ്പെട്ട ഫവാസ് പറഞ്ഞു.
ഇന്നലെ അര്ധരാത്രി കറാമ ‘ഡേ ടു ഡേ’ ഷോപ്പിങ് കേന്ദ്രത്തിന് സമീപം ബിന്ഹൈദര് ബില്ഡിങിലാണ് അപകടം. 12.20 ഓടെ ഗ്യാസ് ചോര്ച്ചയുണ്ടായി പൊട്ടിത്തെറിക്കുകയായിരുന്നു. മൂന്ന് മുറികളിലായി 17 പേരാണ് ഫ്ളാറ്റില് താമസിച്ചിരുന്നത്. മിക്കവരും അവിവാഹിതരായ താമസക്കാരായിരുന്നു.
പ്രതികരിക്കാൻ ഇവിടെ എഴുതുക