കൊച്ചി: കൊച്ചിയില് വിനോദയാത്രയ്ക്ക് ഒരുങ്ങിയ നാല് ടൂറിസ്റ്റ് ബസുകള് മോട്ടോര്വാഹന വകുപ്പ് പിടിച്ചെടുത്തു. എളമക്കര ഗവണ്മെന്റ് ഹയര് സെക്കന്ഡറി സ്കൂളിലെത്തിയ ബസുകളാണ് എംവിഡി പിടിച്ചെടുത്തത്. അനുമതി വാങ്ങിയിട്ടില്ലെന്ന് ചൂണ്ടികാണിച്ചാണ് വിദ്യാര്ത്ഥികളുമായി ഊട്ടിയിലേക്ക് പോകാനൊരുങ്ങിയ ബസുകൾ പിടിച്ചെടുത്തത്. ഇന്ന് പുലര്ച്ചെയാണ് സംഭവം.
ഊട്ടിയിലേക്ക് വിനോദയാത്രക്ക് പുറപ്പെടുന്നതിനു മുന്പ് ബസുകള് മോട്ടോര്വാഹനവകുപ്പിന്റെ പരിശോധനക്ക് വിധേയമാക്കിയില്ലെന്ന കാരണത്താലാണ് ബസുകൾ കസ്റ്റഡിയില് എടുത്തത്. പരിശോധന നടക്കുമ്പോള് നാലു ബസുകളിലുമായി ഇരുന്നൂറോളം വിദ്യാര്ത്ഥികളാണ് ഉണ്ടായിരുന്നത്. ബസില് നിന്ന് വിദ്യാര്ത്ഥികളെ ഇറക്കിവിട്ടശേഷം ബസ് കസ്റ്റഡിയിലെടുക്കുകയായിരുന്നു.
ബസിന്റെ ഫിറ്റ്നസ് രേഖകള് അടക്കം ഹാജരാക്കിയാലേ ബസ് വിട്ടുനല്കുകയുള്ളൂ എന്ന് ഉദ്യോഗസ്ഥര് അറിയിച്ചു. മോട്ടോര് വാഹന വകുപ്പിന്റ നടപടി ടൂര് പ്രതിസന്ധിയിലാക്കിയെങ്കിലും വിദ്യാര്ത്ഥികളുടെ സുരക്ഷയെ മുന്നിര്ത്തിയാണ് പരിശോധനയെന്ന് അധികൃതര് പറഞ്ഞു.
പ്രതികരിക്കാൻ ഇവിടെ എഴുതുക