തിരുവനന്തപുരം: അടുത്ത നാലുദിവസം കേരളത്തില് ഇടിമിന്നലോട് കൂടിയ മിതമായ മഴയ്ക്ക് സാധ്യത. ഈ ദിവസങ്ങളിൽ നിലവിൽ ഒരു ജില്ലയിൽ പോലും യെല്ലോ അലർട്ട് പോലും പ്രഖ്യാപിച്ചിട്ടില്ല.
എന്നാൽ ന്യൂന മർദ്ദം നവംബർ 16 ഓടെ മധ്യ പടിഞ്ഞാറൻ ബംഗാൾ ഉൾകടലിൽ തീവ്ര ന്യൂന മർദ്ദമായി ശക്തി പ്രാപിക്കാൻ സാധ്യതയുണ്ട്. ഇതിന് ശേഷം ചിലപ്പോൾ കേരളത്തിലെ മഴ സാഹചര്യം മാറിയേക്കാം.
തെക്ക് കിഴക്കന് ബംഗാള് ഉള്ക്കടലിനും ആന്ഡമാന് നിക്കോബര് ദ്വീപിനും മുകളിലായി രൂപപ്പെട്ട ന്യൂനമര്ദ്ദം പടിഞ്ഞാറു വടക്ക് പടിഞ്ഞാറു ദിശയില് സഞ്ചരിച്ച് വ്യാഴാഴ്ചയോടെ മധ്യ പടിഞ്ഞാറന് ബംഗാള് ഉള്ക്കടലില് തീവ്ര ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
തെക്ക് പടിഞ്ഞാറന് ബംഗാള് ഉള്ക്കടലിനു മുകളില് മറ്റൊരു ചക്രവാതച്ചുഴിയും നിലനില്ക്കുന്നുണ്ട്.ഇതും മഴയെ സ്വാധീനിക്കുമെന്നും കേന്ദ്ര കാലാവസ്ഥ വകുപ്പ് അറിയിച്ചു.
പ്രതികരിക്കാൻ ഇവിടെ എഴുതുക