റായ്പൂര്: രണ്ടാംഘട്ട നിയമസഭാ തെരഞ്ഞെടുപ്പ് നടക്കുന്ന ഛത്തീസ്ഗഡില് വോട്ടിങ് അവസാനിച്ചു. ഗരിയബാന്ദില് നക്സലേറ്റുകള് നടത്തിയ ബോംബ് ആക്രമണത്തില് ഒരു ഐടിബിപി ജവാന് വീരമൃത്യു വരിച്ചു. 67.34 ശതമാനം പോളിങാണ് രേഖപ്പെടുത്തിയത്. 90 അംഗ നിയമസഭയിലെ നിര്ണായകമായ 70 സീറ്റുകളിലേക്കാണ് ഇന്ന് വോട്ടെടുപ്പ് നടന്നത്.
ഏഴിന് 20 മണ്ഡലങ്ങലില് നടന്ന തെരഞ്ഞെടുപ്പില് 78 ശതമാമാനം പോളിങ് രേഖപ്പെടുത്തിയിരുന്നു. രാവിലെ എട്ടുമുതല് വൈകിട്ട് അഞ്ച് വരെയാണ് വോട്ടെടുപ്പ് നടന്നത്. നക്സല് ബാധിത മേഖലയായ ബിന്ദ്രാന്വാഗഡിലെ അഞ്ച് പോളിങ് ബൂത്തുകളില് എഴ് മുതല് വൈകിട്ട് മൂന്ന് വരെയായിരുന്നു പോളിങ്.
മുഖ്യമന്ത്രി ഭൂപേഷ് ബാഗേല്, ഉപമുഖ്യമന്ത്രി ടിഎസ് സിംഗ്ദേവ്, ബിജെപി സംസ്ഥാന അദ്ധ്യക്ഷന് അരുണ് സാവു, ഉള്പ്പെടെയുള്ളവര് രണ്ടാം ഘട്ടത്തില് മത്സര രംഗത്തുണ്ട്. മുഖ്യമന്ത്രി ഭൂപേഷ് ഭാഗേല് സര്ക്കാരിന്റെ പ്രകടനത്തിലും നെല്ല് സംഭരണത്തിന് കൂടുതല് തുകയെന്നത് ഉള്പ്പെടെയുള്ള ജനകീയ വാഗ്ദനങ്ങളിലുമാണ് സംസ്ഥാനത്ത കോണ്ഗ്രസ് പ്രതീക്ഷ.
പ്രതികരിക്കാൻ ഇവിടെ എഴുതുക