വിജയ്- ലോകേഷ് കനകരാജ് ചിത്രം ലിയോ ഒടിടി-യിൽ സ്ട്രീമിങ് ആരംഭിച്ചു. ഒക്ടോബര് 19 ന് തിയറ്ററുകളിലെത്തിയ ചിത്രം പ്രമുഖ പ്ലാറ്റ്ഫോം ആയ നെറ്റ്ഫ്ലിക്സിലൂടെയാണ് എത്തിയിരിക്കുന്നത്. ഇന്ന് ഉച്ചയ്ക്ക് 12.30 നാണ് സ്ട്രീമിംഗ് തുടങ്ങിയത്. തമിഴിനൊപ്പം മലയാളം, തെലുങ്ക്, കന്നഡ, ഹിന്ദി ഭാഷകളിലും ചിത്രം കാണാനാവും.
‘ലിയോ’യുടെ വിപുലമായ പതിപ്പാണ് ജനപ്രിയ ഒടിടി പ്ലാറ്റ്ഫോമിൽ സ്ട്രീം ചെയ്യുക. തൃഷ, സഞ്ജയ് ദത്ത്, അര്ജുന് സര്ജ, ഗൗതം മേനോന്, മിഷ്കിന്, മാത്യു തോമസ്, മന്സൂര് അലി ഖാന്, പ്രിയ ആനന്ദ്, സാന്ഡി, ജനനി, അഭിരാമി വെങ്കിടാചലം, ബാബു ആന്റണി എന്നിവരാണ് ചിത്രത്തിലെ മറ്റ് താരങ്ങള്.
അനിരുദ്ധ് രവിചന്ദറാണ് ചിത്രത്തിന് സംഗീതം നൽകിയിരിക്കുന്നത്. സെവന് സ്ക്രീന് സ്റ്റുഡിയോ, ദി റൂട്ട് എന്നിവയുടെ ബാനറുകളില് ലളിത് കുമാറും ജഗദീഷ് പളനിസാമിയും ചേര്ന്നാണ് ലിയോ നിര്മിച്ചത്
തമിഴ് സിനിമയിലെ ഈ വര്ഷത്തെ ഏറ്റവും വലിയ വിജയമായി മാറിയ ചിത്രം കോളിവുഡിന്റെ ചരിത്രത്തിലെ ഏറ്റവും വലിയ രണ്ടാമത്തെ വിജയവുമാണ്. എല്സിയു (ലോകേഷ് സിനിമാറ്റിക് യൂണിവേഴ്സ്) ലോകേഷ് ഒരുക്കുന്ന വിജയ് ചിത്രമെന്ന നിലയില് വന് പ്രീ റിലീസ് ഹൈപ്പ് നേടിയ ചിത്രമാണ് ലിയോ. ഇന്ത്യന് സിനിമയില് ഈ വര്ഷത്തെ ഏറ്റവും വലിയ ഓപണിംഗ് ആണ് ലിയോ നേടിയത്. 148.5 കോടി.
പ്രതികരിക്കാൻ ഇവിടെ എഴുതുക