ധ്യാന് ശ്രീനിവാസനെ കേന്ദ്രകഥാപാത്രമാക്കി അനില് ലാല് സംവിധാനം നിര്വഹിക്കുന്ന പുതിയ ചിത്രമാണ് ‘ചീന ട്രോഫി’. ചിത്രത്തിന്റെ രസകരമായ ട്രെയിലര് ഇപ്പോള് പുറത്തിറങ്ങിയിരിക്കുകയാണ്. ധ്യാനിനൊപ്പം ആന്ഡ്രോയ്ഡ് കുഞ്ഞപ്പനിലെ നായിക കെന്റി സിര്ദോയും ട്രെയിലറില് പ്രത്യക്ഷപ്പെടുന്നുണ്ട്.
രസകരമായ ഒരു ഫാമിലി എന്റര്ടൈനറായിരിക്കും ചിത്രം. കൊതിയൂറും വിഭവങ്ങളും രസകരമായ കാഴ്ചകളും കൊണ്ട് സമ്പന്നമാണ് ട്രെയിലര് എന്ന് അണിയറ പ്രവര്ത്തകര് പറയുന്നു.
പ്രസിഡന്ഷ്യല് മൂവീസ് പ്രൈവറ്റ് ലിമിറ്റഡിന്റെ ബാനറില് അനൂപ് മോഹന്, ആഷ്ലിന് മേരി ജോയ്, ലിജോ ഉലഹന്നാന് എന്നിവര് ചേര്ന്നാണ് ചിത്രം നിര്മ്മിക്കുന്നത്.
ജാഫര് ഇടുക്കി, സുധീഷ്, കെപിഎസി ലീല, ദേവിക രമേഷ്, പൊന്നമ്മ ബാബു, സുനില് ബാബു, ജോണി ആന്റണി, ജോര്ഡി പൂഞ്ഞാര്, നാരായണന് കുട്ടി, വരദ, ബിട്ടു തോമസ് തുടങ്ങിയ താരങ്ങളും ചിത്രത്തില് അണിനിരക്കുന്നുണ്ട്.
ചീന ട്രോഫിയുടെ ഛായാഗ്രാഹകന് സന്തോഷ് അണിമയും എഡിറ്റര് രഞ്ജന് എബ്രഹാമുമാണ്.
പ്രതികരിക്കാൻ ഇവിടെ എഴുതുക