തിരുവനന്തപുരം: മുഖ്യമന്ത്രിയുടെ ക്രിസ്മസ്, പുതുവത്സര വിരുന്ന് തിരുവനന്തപുരത്ത് ഇന്ന് ഉച്ചയ്ക്ക് നടക്കും. മാസ്ക്കറ്റ് ഹോട്ടലിലെ ചടങ്ങില് ക്ഷണിക്കപ്പെട്ട അതിഥികളാകും പങ്കെടുക്കുക. ഗവര്ണര് ആരിഫ് മുഹമ്മദ് ഖാനെ വിരുന്നിലേക്ക് ക്ഷണിച്ചിട്ടില്ലെന്നാണ് റിപ്പോര്ട്ടുകള്. പ്രതിപക്ഷ നേതാവടക്കം കോണ്ഗ്രസ്, ബിജെപി നേതാക്കള്ക്കും ക്ഷണമുണ്ടെങ്കിലും ഇവരാരും വിരുന്നില് പങ്കെടുക്കാന് സാധ്യതയില്ല.
കഴിഞ്ഞ വര്ഷം 570 പേരായിരുന്നു വിരുന്നില് പങ്കെടുത്തത്. 9 ലക്ഷത്തി 24,160 രൂപയായിരുന്നു മുന്വര്ഷത്തെ വിരുന്നിന്റെ ചെലവ്. അതേസമയം, ഒന്നര മാസത്തിന് ശേഷം ഇന്ന് സംസ്ഥാന മന്ത്രിസഭാ യോഗം ചേരും. നവകേരളസദസ് ആയിരുന്നതിനാല് പതിവ് കാബിനറ്റ് ഇതുവരെ വിവിധ ജില്ലകളിലായിരുന്നു. നിയമസഭാ സമ്മേളനത്തിന്റെ തീയതി ഇന്നത്തെ യോഗം പരിഗണിച്ചേക്കും. ഗണേഷ് കുമാറും രാമചന്ദ്രന് കടന്നപ്പള്ളിയും മന്ത്രിമാരായ ശേഷം ചേരുന്ന ആദ്യ കാബിനറ്റ് യോഗം കൂടിയാണ്.
പ്രതികരിക്കാൻ ഇവിടെ എഴുതുക