ഡല്ഹി: സ്വര്ണക്കടത്ത് കേസില് ജയിലില് കഴിയുന്ന മുഖ്യമന്ത്രിയുടെ മുന് പ്രൈവറ്റ് സെക്രട്ടറി എം ശിവശങ്കറിന് നട്ടെല്ലിന് ഗുരുതര അസുഖമുണ്ടെന്ന് മെഡിക്കല് ബോര്ഡ് റിപ്പോര്ട്ട്. നട്ടെല്ല് സ്വയം പൊടിഞ്ഞു പോകുന്ന അസുഖമാണ് ഉള്ളതെന്നാണ് പുറത്തു വരുന്ന റിപ്പോര്ട്ടുകള്. ഇതേ തുടര്ന്ന് സുഷുമ്നാ നാഡിയില് മാറ്റങ്ങളുണ്ടാവുന്നുണ്ട്. കഴുത്തും നടുവും രോഗബധിതമെന്നും റിപ്പോര്ട്ടില് പറയുന്നു.
എം. ശിവശങ്കറിന്റെ ജാമ്യേപക്ഷ പരിഗണിക്കുമ്പോള് ഈ മെഡിക്കല് റിപ്പോര്ട്ടും കോടതി പരിഗണിക്കും. കേന്ദ്ര സര്ക്കാര് സ്ഥാപനമായ ജവഹര്ലാല് ഇന്സ്റ്റിറ്റ്യൂട്ട് ഓഫ് പോസ്റ്റ് ഗ്രാജുവേറ്റ് മെഡിക്കല് എജുക്കേഷന് ആന്റ് റിസര്ച്ചി (ജിപ്മെര്)ലെ വിവിധ വിഭാഗങ്ങളില് നിന്നുള്ള വിദഗ്ദ്ധ ഡോക്ടര്മാരുടെ സംഘമാണ് പരിശോധന നടത്തിയത്. ശിവശങ്കറിന് വിശ്രമവും ഫിസിയോതെറാപ്പിയും ആവശ്യമാണെന്ന് മെഡിക്കല് റിപ്പോര്ട്ടില് പറയുന്നുണ്ട്.
പ്രതികരിക്കാൻ ഇവിടെ എഴുതുക