ഡല്ഹി: അയോധ്യ രാമക്ഷേത്ര പ്രതിഷ്ഠാ ചടങ്ങിലേക്കുള്ള ക്ഷണം നിരസിച്ച് കോണ്ഗ്രസ്. ഈ മാസം 22 നാണ് രാമക്ഷേത്ര പ്രതിഷ്ഠാ ചടങ്ങ്. ചടങ്ങിലേക്കുള്ള ക്ഷണം കിട്ടിയ കോണ്ഗ്രസ് നേതാക്കള് പങ്കെടുക്കില്ലെന്നാണ് കോണ്ഗ്രസിന്റെ തീരുമാനം. ആദരവോടെ ക്ഷണം നിരസിക്കുന്നുവെന്നാണ് കോണ്ഗ്രസ് അറിയിച്ചത്.
കോണ്ഗ്രസ് നേതാക്കളായ സോണിയ ഗാന്ധി, മല്ലികാര്ജുന് ഖാര്ഗെ, അധിര് രഞ്ജന് ചൗധരി എന്നിവര്ക്കാണ് ചടങ്ങില് പങ്കെടുക്കാന് ക്ഷണം ലഭിച്ചിട്ടുള്ളത്. ആദ്യഘട്ടത്തില് പങ്കെടുക്കുമെന്ന് അഭ്യൂഹങ്ങളുണ്ടെയിരുന്നുവെങ്കിലും ‘ഇന്ത്യ’ സഖ്യത്തിലെ സമ്മര്ദ്ദത്തെ തുടര്ന്ന് പ്രതിസന്ധിയിലാവുകയായിരുന്നു. തുടര്ന്നാണ് നേതാക്കള് പങ്കെടുക്കില്ലെന്ന കാര്യത്തില് വ്യക്തമായ അഭിപ്രായം കോണ്ഗ്രസ് പറയുന്നത്.
അയോധ്യ പ്രതിഷ്ഠാ ചടങ്ങ് ബിജെപിയുടെയും ആര്എസ്എസിന്റെയും പരിപാടിയാണ്. മതവിശ്വാസം വ്യക്തിപരമായ കാര്യമാണ്. ആര്എസ്എസും ബിജെപിയും അയോധ്യയെ രാഷ്ട്രീയ പദ്ധതിയാക്കിയെന്നും കോണ്ഗ്രസ് പറയുന്നു. നിര്മാണം പൂര്ത്തിയാക്കും മുന്പുള്ള ഉദ്ഘാടനം തെരഞ്ഞെടുപ്പ് നേട്ടത്തിനാണ്. അയോധ്യയിലെ സുപ്രീംകോടതി വിധി മാനിച്ചും രാമഭക്തരുടെ വികാരം മാനിച്ചുമാണ് തീരുമാനമെന്നും കോണ്ഗ്രസ് കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക