പൊതുവായി കാണുന്ന അര്ബുദമാണ് കുടലിനെ ബാധിക്കുന്ന കോളന് കാന്സര്. പൊതുവെ 50 വയസ്സിന് മുകളിലുള്ളവരെ ബാധിക്കുന്ന കോളന് കാന്സര് ഇപ്പോള് ജീവിതശൈലി മാറ്റങ്ങളുടെയും മറ്റും ഭാഗമായി യുവാക്കളിലും കാണാറുണ്ട്.
മലദ്വാരത്തിലൂടെ ഒരു ട്യൂബ് കയറ്റി വിട്ടുള്ള കൊളോണോസ്കോപ്പി പരിശോധനയിലൂടെയാണ് കോളന് അര്ബുദം കണ്ടെത്തുന്നത്. എന്നാല് ആദ്യ ഘട്ടങ്ങളില് തന്നെ ഈ അര്ബുദം കണ്ടെത്താന് സഹായിക്കുന്ന ചില ലക്ഷണങ്ങളുണ്ട്.
ഈ ലക്ഷണങ്ങളെ ചുരുക്കത്തില് ബിസിഎ എന്നാണ് പറയുന്നത്. ഇതിലെ ‘ബി’ ബ്ലീഡിങ് അഥവാ രക്തസ്രാവത്തെ കുറിക്കുന്നു. മലദ്വാരത്തിലൂടെ രക്തമൊഴുകുന്നത് ഈ അര്ബുദത്തിന്റെ ഒരു പ്രധാന ലക്ഷണമാണ്. ഇതിനാല് എപ്പോഴും മലവിസര്ജനം നടത്തിയ ശേഷം രക്തത്തിന്റെ സാന്നിധ്യം മലത്തിലുണ്ടോ എന്ന് പരിശോധിക്കണം.
വയറ്റില് നിന്ന് പോകുന്നതില് എന്തെങ്കിലും മാറ്റം വരുന്നുണ്ടോ എന്നതിനെ കുറിക്കുന്നതാണ് ‘സി’. മൂന്ന് നാലാഴ്ചകളോളം മലവിസര്ജ്ജനത്തില് തുടര്ച്ചയായി എന്തെങ്കിലും മാറ്റങ്ങള് കണ്ടെത്തിയാല് കാര്യങ്ങള് ഗൗരവമാണെന്ന് മനസ്സിലാക്കാം. അബ്ഡോമിനല് പെയിന് അഥവാ വയര് വേദനയെ കുറിക്കുന്നതാണ് ‘എ’. ഇതിനൊപ്പം അതികഠിനമായ ക്ഷീണവും വയറില് മുഴ ഉള്ളത് പോലെയുള്ള തോന്നലും വരും.
ഈ ലക്ഷണങ്ങളെല്ലാം മൂന്നാഴ്ചയില് കൂടുതല് നീണ്ടു നിൽക്കുകയാണെങ്കിൽ ഡോക്ടറെ കാണാന് വൈകരുത്. കാരണമില്ലാത്ത ഭാരനഷ്ടത്തിനും കോളന് അര്ബുദം വഴിവയ്ക്കും. പ്രത്യേകിച്ച് ഭക്ഷണനിയന്ത്രണമോ വ്യായാമമോ കൂടാതെ തന്നെ ഭാരം കുറയുന്നത് ശ്രദ്ധയില്പ്പെട്ടാല് അതും കോളന് അര്ബുദത്തിന്റെ ലക്ഷണങ്ങളിലൊന്നായി എടുക്കണം.
പ്രതികരിക്കാൻ ഇവിടെ എഴുതുക