തിരുവനന്തപുരം: അരുണാചലിൽ ദുരൂഹ സാഹചര്യത്തിൽ മരിച്ച മലയാളികൾക്ക് മരണാനന്തര ജീവിതത്തെ കുറിച്ചുള്ള സന്ദേശങ്ങള് എത്തിയിരുന്നത് ഡോണ് ബോസ്ക്കോയുടെ പേരിലുള്ള വ്യാജ ഇ-മെയിൽ ഐഡിയിൽ നിന്നാണെന്ന് പൊലീസ്. ഡിജിറ്റൽ തെളിവുകൾക്ക് ഇട നൽകാത്ത തരത്തിൽ ആസൂത്രിതമായിട്ടാണ് ഓരോ നീക്കങ്ങളും നവീൻ നടത്തിയത്.
ആര്യ സുഹൃത്തുക്കള്ക്ക് മൂന്ന് വർഷം മുമ്പ് പങ്കുവച്ച ഒരു ഇ-മെയിൽ സന്ദേശമാണ് പൊലീസിന് അന്വേഷണത്തിൽ പിടിവള്ളിയായത്. ഈ സന്ദേശത്തിൽ അന്യഗ്രഹ ജീവിത്തെ കുറിച്ചാണ് വ്യക്തമാക്കുന്നത്. ഇതിൽ ചില കോഡുകളും ഉണ്ടായിരുന്നു. ഡോണ് ബോസ്ക്കോയെന്ന വ്യാജ മെയിൽ ഐഡിയിൽ നിന്നാണ് ഇത്തരത്തിലുള്ള സന്ദേശമെത്തിയിരിക്കുന്നത്. ഈ സന്ദേശം ഫോർവേഡ് ചെയ്യുകയാണ ഇവർ ചെയ്തത്.
മരണ വാര്ത്ത അറിഞ്ഞതിന് പിന്നാലെയാണ് സന്ദേശം ലഭിച്ച സുഹൃത്തുക്കള് പൊലീസിന് വിവരം കൈമാറിയത്. ഇ-മെയിലിന്റെ സഹായത്തോടെ ഉറവിടം കണ്ടുപിടിക്കാനുള്ള ശ്രമത്തിലാണ് പൊലീസ്. നവീൻ, ഭാര്യ ദേവി, സുഹൃത്തായ ആര്യ എന്നിവരാണ് അരുണാചൽ പ്രദേശിൽ മരിച്ചത്. എല്ലാത്തിനും നേതൃത്വം നൽകിയത് നവീൻ ആണെന്നാണ് നിലവിലെ പോലീസിന്റെ നിഗമനം. ആദ്യം ഇത്തരം ആശയങ്ങളില് ആകൃഷ്ടനായത് നവീനാണെന്നാണ് പൊലീസിന്റെ വിലയിരുത്തൽ.
പ്രതികരിക്കാൻ ഇവിടെ എഴുതുക