ഐക്യൂവിന്റെ പുതിയ സ്മാര്ട്ട്ഫോണ് ഇന്ത്യയില് ഉടന് തന്നെ അവതരിപ്പിക്കും. നിരവധി ഫീച്ചറുകള് ഉള്ള ഐക്യൂ z9x ഉടന് തന്നെ എത്തുമെന്ന് കമ്പനി സ്ഥിരീകരിച്ചു.മെയ് 16നാണ് ഫോണ് വിപണിയില് അവതരിപ്പിക്കുക.
ആമസോണ് വഴി ഫോണ് വാങ്ങുന്നതിനുള്ള സൗകര്യമാണ് ഒരുക്കുക. ഇതിനോടകം തന്നെ ഫോണ് ചൈനയില് അവതരിപ്പിച്ച് കഴിഞ്ഞു. 4GB+128GB, 6GB+128GB, 8GB+128GB എന്നിങ്ങനെ മൂന്ന് റാം വേരിയന്റുകളില് ഫോണ് അവതരിപ്പിക്കാനാണ് സാധ്യത.
ആഴത്തിലുള്ള കാഴ്ചാനുഭവം നല്കാന് 6.72 ഇഞ്ച് ഫുള്എച്ച്ഡി പ്ലസ് ഡിസ്പ്ലേ, 120Hz വരെയുള്ള റിഫ്രഷ് റേറ്റ്, 1,000 നിറ്റ്സിന്റെ പരമാവധി തെളിച്ചം തുടങ്ങി നിരവധി ഫീച്ചറുകളോട് കൂടിയാണ് ഫോണ് വരിക.
6,000mAh ബാറ്ററിയാണ് ഇതിന് കരുത്തേകുക. ഒറ്റ ചാര്ജില് ദീര്ഘനേരം ഉപയോഗിക്കാനാകും. കൂടാതെ, 44W ഫാസ്റ്റ് ചാര്ജിംഗ് പിന്തുണയോടെ, ഉപയോക്താക്കള്ക്ക് വേഗത്തില് ബാറ്ററി ചാര്ജ് ചെയ്ത് നിറയ്ക്കാനും സാധിക്കും.
ഡ്യൂറബിലിറ്റിക്കായി IP64 വാട്ടര്, ഡസ്റ്റ് റെസിസ്റ്റന്സ് റേറ്റിംഗ്, തടസ്സമില്ലാത്ത കണക്റ്റിവിറ്റിക്കായി ബ്ലൂടൂത്ത് 5.1, എന്നിവയുള്പ്പെടെ നിരവധി സവിശേഷതകളും ഇതില് സജ്ജീകരിച്ചിട്ടുണ്ട്. 13,240 രൂപ മുതല് 16,700 രൂപ വരെയാണ് വില പ്രതീക്ഷിക്കുന്നത്.
പ്രതികരിക്കാൻ ഇവിടെ എഴുതുക