തിരുവനന്തപുരം: ജില്ലയില് ശക്തമായ വേനല് മഴയെ തുടര്ന്ന് 11 കോടിയുടെ കൃഷിനാശം. ഏപ്രില് 30 മുതല് മെയ് 21 വരെയുള്ള കണക്കനുരിച്ച് 11,339,8000 രൂപയുടെ നാശനഷ്ടമാണ് ഉണ്ടായത്. ആര്യങ്കോട് ബ്ലോക്കിലാണ്ഏറ്റവും കൂടുതവല് നാശം- 5.7 കോടി. 1789 കര്ഷകര്ക്കാണ് ശക്തമായ മൂലം കൃഷിനാശം സംഭവിച്ചത്. 605.94 ഹെക്ടര് കൃഷിഭൂമിയില് മഴ നാശം വിതച്ചു. കൃഷിനാശം സംഭവിച്ചവയുടെ എണ്ണം: വാഴ കുലച്ചത്-1,56,180, വാഴ കുലയ്ക്കാത്തത്-4,84,20, റബ്ബര്-20, വെറ്റില-0.200 ഹെക്ടര്, കപ്പ- 8.800 ഹെക്ടര്, പച്ചക്കറി പന്തലുള്ളത്-1.700 ഹെക്ടര്, പച്ചക്കറി പന്തലില്ലാത്തത്- 1.000 ഹെക്ടര്.
ശക്തമായ മഴയെതുടര്ന്ന് നെയ്യാറ്റിന്കര താലൂക്കില് ആരംഭിച്ച രണ്ട് ദുരിതാശ്വാസ ക്യാമ്പുകളിലായി ആറ് കുടുംബങ്ങള് കഴിയുന്നു. കുളത്തൂര് യുപി സ്കൂളില് മാര്ച്ച് 31 ന് ആരംഭിച്ച ക്യാമ്പില് രണ്ട് കുടുംബങ്ങളും (ആകെ 4 പേര്) കോട്ടുകാല് സെന്റ് ജോസഫ് സ്കൂളില് മെയ് 20 ന് ആരംഭിച്ച ക്യാമ്പില് നാല് കുടുംബങ്ങളുമാണ് (ആകെ 7 പേര്) കഴിയുന്നത്. ശക്തമായ മഴയെതുടര്ന്ന് ജില്ലയില് 6 വീടുകള്ക്ക് ഭാഗികമായി കേടുപാടുകള് സംഭവിച്ചു.
ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് മുന്നറിയിപ്പ്. ശക്തമായ കാറ്റും മോശം കാലാവസ്ഥയും പ്രതീക്ഷിക്കുന്നതിനാൽ ഇനിയൊരു അറിയിപ്പ് ഉണ്ടാകുന്നത് വരെ കേരള തീരത്ത് നിന്ന് കടലിൽ പോകാൻ പാടുള്ളതല്ലെന്നും മത്സ്യത്തൊഴിലാളികൾക്ക് മുന്നറിയിപ്പ് നൽകി.
കേരള തീരത്ത് വിഴിഞ്ഞം മുതൽ കാസർഗോഡ് വരെ നാളെ (24-05-2024) രാത്രി 11.30 വരെ 0.4 മുതൽ 3.3 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കൻഡിൽ 16 cm നും 81 cm നും ഇടയിൽ മാറിവരുവാൻ സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
പ്രതികരിക്കാൻ ഇവിടെ എഴുതുക