ന്യൂയോര്ക്ക്: കണ്ടന്റ് മോഡറേഷൻ നിയമങ്ങളിൽ മാറ്റവുമായി എലോൺ മസ്ക്. പ്രായപൂർത്തിയായ ഉപഭോക്താക്കൾക്ക് ഇനി മുതൽ സമൂഹമാധ്യമ പ്ലാറ്റ്ഫോമായ എക്സിൽഅഡൾട്ട് , ഗ്രാഫിക് കണ്ടന്റുകൾ പോസ്റ്റ് ചെയ്യാനാകും. അഡൾട്ട് കണ്ടന്റുകളിൽ ഉൾപ്പെടുന്നത് ലൈംഗികത വിഷയമായി വരുന്ന കണ്ടന്റുകളാണ്.
അപകടങ്ങൾ, അക്രമം, ക്രൂരമായ ദൃശ്യങ്ങൾ പോലുള്ളവ ഉൾപ്പെടുന്നവയാണ് ഗ്രാഫിക് കണ്ടന്റുകളിൽ പെടുന്നത്. നേരത്തെയും അഡൾട്ട് കണ്ടന്റുകൾ പോസ്റ്റ് ചെയ്യാനാകുമെങ്കിലും ഔദ്യോഗികമായി കമ്പനി അനുവാദം കൊടുത്തിരുന്നില്ല.
കമ്പനിയുടെ സപ്പോർട്ട് പേജിലെ അഡൾട്ട് കണ്ടന്റ് പോളിസിയിൽ പറയുന്നത് സമ്മതത്തോടെ നിർമ്മിക്കുകയും വിതരണം ചെയ്യുകയും ചെയ്യുന്ന ലൈംഗികത വിഷയമായിവരുന്ന ഉള്ളടക്കങ്ങൾ കാണാനും ഷെയർ ചെയ്യാനും ഉപഭോക്താക്കൾക്ക് കഴിയണമെന്നാണ് തങ്ങൾ വിശ്വസിക്കുന്നതെന്നാണ്.
പോണോഗ്രഫി കാണാൻ ആഗ്രഹിക്കാത്ത കുട്ടികൾക്കും മുതിർന്നവർക്കും എക്സിൽ അവ ദ്യശ്യമാവില്ലെന്നും പേജിൽ ഉറപ്പ് പറയുന്നു. 18 വയസിൽ താഴെയുള്ള ഉപഭോക്താക്കൾക്ക് വേണ്ടിയും പ്രായം വെളിപ്പെടുത്താത്തവർക്ക് വേണ്ടിയുമുള്ള പ്രത്യേക നയങ്ങളും കമ്പനിക്ക് ഉണ്ട്.
എക്സിൽ ഉപഭോക്താവിനെ അസ്വസ്ഥമാക്കാനിടയുള്ള കണ്ടന്റുകൾക്കും നഗ്നത ഉൾപ്പെടുന്ന വീഡിയോകൾക്കും ‘സെൻസ്റ്റീവ് കണ്ടന്റ്’ എന്ന ലേബൽ നൽകാറുണ്ട്. എന്നാൽ രക്തപങ്കിലമായതും ലൈംഗിക അതിക്രമങ്ങൾ നിറഞ്ഞതുമായ ഉള്ളടക്കങ്ങൾ സമ്മതിക്കില്ല. ലൈംഗിക ചൂഷണം, സമ്മതമില്ലാതെ ചിത്രീകരിച്ചതും പങ്കുവെച്ചതുമായ ലൈംഗിക ഉള്ളടക്കങ്ങൾ, പ്രായപൂർത്തിയായവരെ ദ്രോഹിക്കൽ ഉൾപ്പടെയുള്ളവയും എക്സിൽ പങ്കുവെക്കാൻ അനുവദിക്കില്ലെന്ന് വ്യക്തമാക്കുന്നുണ്ട്.
പ്ലാറ്റ്ഫോമിൽ ഷെയർ ചെയ്യുന്ന ആകെ പോസ്റ്റുകളിൽ 13 ശതമാനം കണ്ടന്റുകളും ഒരു തരത്തിൽ അഡൾട്ടാണെന്ന് പറയാമെന്നാണ് അഭിപ്രായങ്ങൾ വരുന്നത്. കഴിഞ്ഞ കുറച്ച് വർഷങ്ങളായി പോൺ ബോട്ടുകളുടെ എണ്ണത്തിലും കൂടുതൽ ഉണ്ടായിട്ടുണ്ടെന്നും അഭിപ്രായങ്ങൾ വരന്നുണ്ട് .
പ്രതികരിക്കാൻ ഇവിടെ എഴുതുക