തിരുവനന്തപുരം: കേരളത്തിൽ ട്രോളിങ് നിരോധനം നാളെ മുതൽ ആരംഭിക്കും. 52 ദിവസം നീണ്ടു നിൽക്കുന്ന ട്രോളിങ് ജൂലൈ 31 അർധരാത്രി വരെ ട്രോളിങ് നിരോധനം തുടരും. തീരത്തുനിന്ന് 22 കിലോമീറ്റര് ദൂരം മീന്പിടിത്തം അനുവദിക്കില്ല. ട്രോളിങ് നിരോധന കാലയളവിൽ മത്സ്യ തൊഴിലാളികള്ക്ക് സൗജന്യ റേഷന് അനുവദിക്കും.
നിരോധനകാലയളവില് ഇന്ബോര്ഡ് വള്ളങ്ങളോടൊപ്പം ഒരു കാരിയര് വള്ളമേ അനുവദിക്കുകയുള്ളൂ. യന്ത്രവൽകൃത ബോട്ടുകളിലെ മത്സ്യബന്ധനവും പൂർണമായും നിരോധിക്കും. മാത്രമല്ല നിരോധനം ലംഘിക്കുന്ന ബോട്ടുകള്ക്കെതിരേ നിയമനടപടി സ്വീകരിക്കും.
എല്ലാ തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന ഫിഷറീസ് കണ്ട്രോള് റൂമുകളും പ്രവര്ത്തിക്കും.കടലിലെ രക്ഷാപ്രവര്ത്തനങ്ങള്ക്ക് ഫിഷറീസ് വകുപ്പ്, മറൈന് എന്ഫോഴ്സ്മെന്റ്, കോസ്റ്റല് പൊലീസ് എന്നിവയുടെ സേവനം ഉറപ്പാക്കും. ട്രോളിങ് നിരോധനത്തിലൂടെ മീന് സമ്പത്ത് വര്ധിപ്പിക്കാനും തൊഴിലാളികളുടെ വരുമാനമാര്ഗം ഉറപ്പാക്കാനും സാധിക്കുമെന്നാണ് കരുതുന്നത്.
അന്യസംസ്ഥാന ബോട്ടുകള് ട്രോളിങ് നിരോധനം തുടങ്ങുംമുമ്പ് കേരളതീരം വിട്ടുപോകാന് കളക്ടര്മാര് നിര്ദേശം നല്കും. ജൂണ് ഒമ്പതിന് വൈകുന്നേരത്തോടെ ട്രോളിങ് ബോട്ടുകള് കടലില്നിന്നു സുരക്ഷിതസ്ഥാനത്തേക്ക് മാറ്റിയതായി മറൈന് എന്ഫോഴ്സ്മെന്റും കോസ്റ്റല് പൊലീസും ഉറപ്പാക്കും.
പ്രതികരിക്കാൻ ഇവിടെ എഴുതുക