തിരുവനന്തുരം: സിപിഐഎം സംസ്ഥാന സമിതി യോഗം ഇന്ന് ആരംഭിക്കും. മൂന്ന് ദിവസം നീളുന്ന കമ്മിറ്റിയിൽ തെരഞ്ഞെടുപ്പ് പരാജയം മുഖ്യ അജണ്ടയാകും. ഒപ്പം തിരുത്തല് നടപടികളും നിര്ദേശിക്കും. കഴിഞ്ഞ ദിവസം ചേര്ന്ന സെക്രട്ടേറിയറ്റ് യോഗത്തില് മണ്ഡലാടിസ്ഥാനത്തില് തോല്വിയുടെ കാരണങ്ങള് പരിശോധിച്ചിരുന്നു. തോൽവി പഠിക്കാനുള്ള കമ്മിഷൻ രൂപീകരണത്തിൽ അന്തിമതീരുമാനമെടുക്കും.
സംസ്ഥാന സമിതിയിലെ ചർച്ച വിശദമായി കേട്ട ശേഷമാകും തിരുത്തൽ നടപടികൾക്ക് അന്തിമ തീരുമാനം എടുക്കുക. മൂന്ന് ദിവസത്തെ സംസ്ഥാന സമിതിക്ക് ശേഷം വീണ്ടും സെക്രട്ടേറിയറ്റ് ചേരും. അതേസമയം തെരഞ്ഞടുപ്പ് തോൽവിയിൽ സർക്കാരിനെതിരെ സിപിഐയിൽ കടുത്ത വിമർശനമാണ് ഉയരുന്നത്.
പാര്ട്ടി ശക്തി കേന്ദ്രങ്ങളിലെ വോട്ടു ചോര്ച്ച നേതൃത്വത്തെ ആശങ്കപ്പെടുത്തുന്നുണ്ട്. ഒപ്പം ബിജെപിയുടെ വോട്ട് ശതമാനം വര്ധിച്ചതും ഗൗരവമായി കാണുന്നു. പാര്ട്ടിയുടെ അടിസ്ഥാന വോട്ടുകള് പോലും ബിജെപിക്ക് ചോര്ന്നിട്ടുണ്ടെന്നാണ് വിലയിരുത്തല്.
തിരഞ്ഞെടുപ്പിനെ സ്വാധീനിച്ച രാഷ്ട്രീയ-സാമൂഹിക സാഹചര്യം യോഗത്തില് ഇഴകീറി പരിശോധിക്കും. ഒപ്പം തിരുത്തല് നടപടികളും നിര്ദേശിക്കും. മൂന്ന് ദിവസം നീളുന്ന സംസ്ഥാന സമിതിക്ക് ശേഷം സെക്രട്ടേറിയറ്റ് വീണ്ടും ചേരും. സംസ്ഥാന സെക്രട്ടേറിയറ്റാണ് തിരുത്തല് നടപടികളില് അന്തിമ തീരുമാനം കൈക്കൊള്ളുക.
വന്തോതില് വോട്ടു ചോര്ന്ന സ്ഥലങ്ങളില് പരിശോധനയ്ക്കായി അന്വേഷണ കമ്മീഷനെ നിയോഗിക്കുന്നതിലും സമിതി തീരുമാനമെടുക്കും. ആലത്തൂരില് ജയിച്ച കെ രാധാകൃഷ്ണന് പകരം മന്ത്രിസ്ഥാനത്തേക്കുള്ള പുതിയ ആളെയും യോഗത്തില് തീരുമാനിച്ചേക്കും.
പ്രതികരിക്കാൻ ഇവിടെ എഴുതുക