സിയോൾ: രണ്ടു ദിവസം നീണ്ടുനിൽക്കുന്ന സന്ദര്ശനത്തിനായി ഉത്തര കൊറിയയിൽ വന്ന റഷ്യന് പ്രസിഡന്റ് വ്ലാദിമിർ പുടിന് ഗംഭീര സ്വീകരണം. 24 വർഷത്തിന് ശേഷമാണു ഒരു റഷ്യൻ ഭരണ തലവൻ വടക്കൻ കൊറിയയില് വരുന്നത്. കിം ജോങ് ഉന് സൈന്യത്തിന്റെ ഗാര്ഡ് ഓഫ് ഹോണര് നല്കിയാണ് പുടിനെ സ്വീകരിച്ചത്. ഉത്തര കൊറിയയിൽ പുടിന്റെ അഭിവാന്ദ്യം ചെയ്തു കൊണ്ട് നിരവധി റഷ്യൻ പതാകകളും പോസ്റ്ററുകളും ഇതിനോടകം സജ്ജമായിട്ടുണ്ട്.
ചുവന്ന പൂക്കളുടെ ബൊക്കെയാണ് പുടിന് സ്വീകരിക്കാൻ വേണ്ടി നൽകിയതെന്നാണ് ബിബിസി റിപ്പോർട്ട് ചെയ്യുന്നത്. ചുവന്ന പൂക്കൾ കൊണ്ട് അലങ്കരിച്ച പരവതാനിയാണ് പുടിനെ സ്വാഗതം ചെയ്ത് വിമാനത്താവളത്തിലും സജ്ജമാക്കിയത്.
യുക്രെയ്നിലെ സൈനിക നടപടികൾക്ക് ഉത്തര കൊറിയയുടെ ഭാഗത്ത് നിന്ന് ഉണ്ടായ പിന്തുണക്ക് റഷ്യൻ പ്രസിഡന്റ് നന്ദി അറിയിച്ചു. അമേരിക്കൻ ഉപരോധം നേരിടാൻ ഇരുരാജ്യങ്ങളും സഹകരിച്ച് പ്രവർത്തിക്കുമെന്നും പുടിന് വ്യക്തമാക്കി. ഇരു രാജ്യങ്ങളും തമ്മില് വ്യാപാര സൈനിക ബന്ധങ്ങള് ൽ ദൃഢമാക്കാൻ കൂടിയാണ് ഈ കൂടിക്കാഴ്ച.
2023 സെപ്റ്റംബറില് റഷ്യന് പ്രസിഡന്റെ അതിഥിയായി കിം ജോങ് ഉന് റഷ്യ സന്ദര്ശിച്ചിരുന്നു. പുടിന് ആയുധങ്ങളും കിമ്മിന് സാങ്കേതിക വിദ്യയും വേണ്ട സാഹചര്യത്തിലാണ് രണ്ട് നേതാക്കളും അടുത്തതെന്നാണ് വിദഗ്ധർ ഉത്തര കൊറിയ റഷ്യൻ കൂട്ടായ്മയെ നിരീക്ഷിക്കുന്നത്.
പ്രതികരിക്കാൻ ഇവിടെ എഴുതുക