ഇന്ത്യന് വംശജയായ സുനിതാ വില്യംസും സഹയാത്രികന് യൂജിന് ബുച്ച് വില്മോറും ഭൂമിയിലെത്താന് ഇനിയും വൈകും. ജൂണ് 14ന് മടങ്ങേണ്ട പേടകം നാലാം തവണയാണ് യാത്ര മാറ്റിവയ്ക്കുന്നത്.
ഇവര് സഞ്ചരിച്ച ബോയിങ് സ്റ്റാര്ലൈനറെന്ന ബഹിരാകാശ പേടകത്തിന്റെ സാങ്കേതിക തകരാറുകള് പരിഹരിക്കാനാവത്തതിനാലാണ് യുഎസ് ബഹിരാകാശ ഏജന്സിയായ നാസ തീയതി വീണ്ടും നീട്ടിവെച്ചത്. സാങ്കേതിക തകരാറുകള് പഠിക്കാന് നാസയ്ക്ക് കൂടുതല് സമയം ആവശ്യമായി വരുമെന്നാണ് പുറത്തുവരുന്ന വിവരം.
സുനിത വില്യംസിനേയും ബച്ച് വില്മോറിനേയും വഹിച്ച് ജൂണ് അഞ്ചിനാണ് ബോയിങ് സ്റ്റാര്ലൈനര് പേടകം വിക്ഷേപിച്ചത്. ബോയിങ് നിര്മിച്ച ബഹിരാകാശ പേടകത്തിന്റെ മനുഷ്യരെ വഹിച്ചുള്ള ആദ്യ ദൗത്യമാണിത്. ഭാവി വിക്ഷേപണ ദൗത്യങ്ങള്ക്ക് സ്റ്റാര്ലൈനര് പേടകം എത്രത്തോളം പ്രാപ്തമാണെന്ന് പരിശോധിക്കുകയാണ് ലക്ഷ്യം.
പേടകം വിജയകരമായി നിലയവുമായി ബന്ധിപ്പിക്കാനും സഞ്ചാരികള്ക്ക് നിലയത്തിലെത്താനും സാധിച്ചിരുന്നുവെങ്കിലും യാത്രയിലുടനീളം ഹീലിയം ചോര്ച്ച ഉള്പ്പെടെയുള്ള സാങ്കേതിക പ്രശ്നങ്ങള് നേരിട്ടിരുന്നു.
പ്രതികരിക്കാൻ ഇവിടെ എഴുതുക