2,11, 20, 29 സംഖ്യാ ജാതകരെല്ലാം 2ൽ പെടുന്നവരാണ്. പൊതു ജനപ്രീതിയും സൗമ്യ ശീലവും, കൽപനാവൈഭവവും കലാസൃഷ്ടികളും കലാ പ്രവർത്തനങ്ങളും ആസ്വദിക്കുന്നവരാണിവർ. ഈശ്വരവിശ്വാസികളാണ്. പ്രത്യുപകാരം ഇവർക്ക് ലഭിക്കുകയില്ല .മാനസിക ഗുണമാണിവർ ഇഷ്ടപ്പെടുന്നത്. മനസ്സുറപ്പില്ലാത്തവരാണിവർ. ആരെയും ആകർഷിക്കുന്ന ശരീര കാന്തിയുള്ളവരാണിവർ, വൈരാഗ്യബുദ്ധിയും മുൻകോപവും കുറയ്ക്കണം. കാര്യങ്ങൾ നടപ്പിലാക്കാൻ സാമർത്ഥ്യമുള്ളവരാണിവർ. കർക്കടകം, ഇടവം രാശിക്കാർക്ക് ഈ ഗുണം കൂടുതലായി കാണും. വൃശ്ചികത്തിൽ കുറവായിരിക്കും.
ആരോഗ്യം – പ്രമേഹം, രക്തസമ്മർദ്ദം, നേത്രരോഗങ്ങൾ. ഇവർ വെള്ളം കൂടുതൽ ഉപയോഗിക്കണം. ചീരയും പഴവർഗ്ഗങ്ങളും, മുരിങ്ങയില, ഇലക്കറികൾ ഇവ കൂടുതൽ ഉപയോഗിച്ച് ആരോഗ്യം സംരക്ഷിക്കണം
ദാമ്പത്യം – 1 ജന്മസംഖ്യയുള്ളവരെയും 7 ജന്മസംഖ്യയുള്ളവരെയും തിരഞ്ഞെടുക്കാം.
വാരങ്ങൾ – ഞായർ, തിങ്കൾ, വെള്ളി നന്ന്
തൊഴിൽ – നിയമവകുപ്പിൽ തൊഴിൽ ചെയ്യുന്നതു നന്ന്. രാഷ്ട്രീയം, സംഗീതം, വക്കീൽ, നൃത്തം, ചിത്രരചന, ശിൽപവേല
സ്ത്രീകൾ – പുരുഷനെ അനുസരിക്കുന്നവരായിരിക്കും..
ഭാഗ്യവർണ്ണം– പച്ച, വെള്ള ഉത്തമം, കറുപ്പും ചുവപ്പും ഒഴിവാക്കുക.
ഭാഗ്യരത്നം – മുത്ത്, ചന്ദ്രകാന്തം
തിയതി– 7, 25, 1, 10, 19, 28, 3, 12 , 21, 30
പേരിൽ B K R വരുന്നത് ഐശ്വര്യം കൊണ്ടുവരും.
11–ാം തിയതി ജനിച്ചവർ – ഈശ്വരവിശ്വാസികളായിരിക്കും. വിശ്വാസം ഇവരെ രക്ഷിക്കുകയും ചെയ്യും.
20–ാം തിയതി ജനിച്ചവർ – ഏറ്റവുമധികം ദൈവാധീനമുള്ളവരും, സ്വാർത്ഥമോഹമില്ലാത്തവരും, മാർഗ്ഗദർശികളും, സ്വതന്ത്രജീവിതം ഇല്ലാത്തവരും, നയിക്കാനും നിർദ്ദേശിക്കാനും ഉപദേശികൾ ആവശ്യമാണ്.
പ്രതികരിക്കാൻ ഇവിടെ എഴുതുക