കണ്ണൂര്: ആന്തൂരില് പ്രവാസി വ്യവസായി പാറയില് സാജന് ആത്മഹത്യ ചെയ്തതിനെക്കുറിച്ച് അന്വേഷിക്കാന് ഡിവൈ.എസ്.പിയുടെ നേതൃത്വത്തില് പ്രത്യേക സംഘം രൂപീകരിച്ചു. അന്വേഷണ ചുമതല നാര്ക്കോട്ടിക് ഡിവൈ.എസ്.പി വി.എ.കൃഷ്ണദാസിന് കൈമാറി ആഭ്യന്തരവകുപ്പ് ഉത്തരവിട്ടു.
പുതുതായി പണികഴിപ്പിച്ച കണ്വെന്ഷന് സെന്ററിന് ആന്തൂര് നഗരസഭ ലൈസന്സ് അനുവദിക്കാത്തതില് മനംനൊന്താണ് പ്രവാസിവ്യവസായിയായ പാറയില് സാജന് ആത്മഹത്യ ചെയ്തത്. സംഭവത്തില് സി.പി.എം. ഭരിക്കുന്ന നഗരസഭയുടെ അധ്യക്ഷ പി.കെ. ശ്യാമളക്കെതിരെ സാജന്റെ ഭാര്യയും ബന്ധുക്കളും ഗുരുതര ആരോപണമുന്നയിച്ചിരുന്നു. നഗരസഭ മനപൂര്വ്വം ലൈസന്സ് നല്കുന്നത് വൈകിപ്പിച്ചെന്നും പി.കെ. ശ്യാമളയാണ് ആത്മഹത്യയിലേക്ക് നയിക്കാന് കാരണമായതെന്നും ഇവര് പറഞ്ഞിരുന്നു. സംഭവം വിവാദമായതോടെ നഗരസഭയിലെ സെക്രട്ടറി ഉള്പ്പെടെയുള്ള ഉദ്യോഗസ്ഥരെ സര്വ്വീസില്നിന്ന് സസ്പെന്ഡ് ചെയ്തു.
പ്രതികരിക്കാൻ ഇവിടെ എഴുതുക