ഫ്ളോറിഡ: ഡക്ക്വര്ത്ത് ലൂയിസ് നിയമം (മഴ നിയമം) ആനുകൂല്യത്തിൽ വെസ്റ്റ് ഇന്ഡീസിനെതിരായ ടി20 പരമ്പര ഇന്ത്യ സ്വന്തമാക്കി . മൂന്ന് മത്സരങ്ങളുടെ പരമ്പരയിലെ രണ്ടാം ടി20യില് 22 റണ്സിനാണ് ഇന്ത്യ വിജയിച്ചത്. മഴ തടസപ്പെടുത്തിയ കളിയില് ഡക്ക്വര്ത്ത് ലൂയിസ് നിയമപ്രകാരമായിരുന്നു ഇന്ത്യയുടെ ജയം. ടോസ് നേടി ബാറ്റിങ്ങിന് ഇറങ്ങിയ ഇന്ത്യ നിശ്ചിത ഓവറില് അഞ്ച് വിക്കറ്റ് നഷ്ടത്തില് 167 റണ്സ് നേടി. മറുപടി ബാറ്റിങ്ങില് വിന്ഡീസിന്റെ സ്കോര് 15.3 ഓവറില് നാലിന് 98 എന്ന നിലയില് നില്ക്കെ മഴയെത്തുകയായിരുന്നു.
പിന്നാലെ ഇന്ത്യയെ വിജയിയായി പ്രഖ്യാപിച്ചു.ഇന്ത്യക്കെതിരെ കരീബിയൻ പട
മോശം പ്രകടനമാണ് കാഴ്ച്ചവെച്ചത്. വിൻഡീസ് ഓപ്പണര്മാരായ സുനില് നരെയ്നും (4), എവന് ലൂയിസും (0) പവലിയനില് തിരിച്ചെത്തി. പിന്നീടെത്തിയ റോവ്മാന് പവലിന് മാത്രമാണ് (54) തിളങ്ങാന് സാധിച്ചത്. നിക്കോളാസ് പൂരന് 19 റണ്സെടുത്തു. കീറോണ് പൊള്ളാര്ഡ് (8), ഷിംറോണ് ഹെറ്റ്മയേര് (6) എന്നിവര് പുറത്താവാതെ നിന്നു.
ഇന്ത്യക്ക് വേണ്ടി ക്രുനാല് പാണ്ഡ്യ രണ്ടും വാഷിംഗ്ടണ് സുന്ദര്, ഭുവനേശ്വര് കുമാര് എന്നിവര് ഓരോ വിക്കറ്റും വീഴ്ത്തി ശിഖര് ധവാന് (23), വിരാട് കോലി (28), ഋഷഭ് പന്ത് (4), മനീഷ് പാണ്ഡെ (6) എന്നിവരാണ് പുറത്തായ താരങ്ങള്. ക്രുനാല് പാണ്ഡ്യ (20), രവീന്ദ്ര ജഡേജ (9) എന്നിവര് പുറത്താവാതെ നിന്നു. ഓപ്പണര്മാരായ രോഹിത്- ധവാന് സഖ്യം 67 റണ്സ് കൂട്ടിച്ചേര്ത്തിരുന്നു. പിന്നാലെ കോലിയുമൊത്ത് 48 റണ്സും രോഹിത് കൂട്ടിച്ചേര്ത്തു. പരമ്പരയിലെ അവസാന മത്സരം ആറിന് നടക്കും.
പ്രതികരിക്കാൻ ഇവിടെ എഴുതുക