2019ലെ ഭൗതികശാസ്ത്ര നൊബേല് സമ്മാനം മൂന്ന് ശാസ്ത്രകാരന്മാര്ക്ക്. ജെയിംസ് പീബിള്സ്, മൈക്കിള് മേയര്, ദിദിയെര് ക്വലോസ് എന്നിവരാണ് പുരസ്കാരത്തിന് അർഹരായത്. ഫിസിക്കല് കോസ്മോളജിയിലെ കണ്ടുപിടിത്തങ്ങള്ക്കാണ് ജെയിംസ് പീബിള്സിന് നൊബേലിന് അര്ഹനായത്.
സൗരയൂഥത്തിന് പുറത്തുള്ള ഒരു ഗ്രഹത്തെ കണ്ടെത്തുകയും അതിനോട് സൗരയൂഥത്തിന് സമാനമായ സ്വാഭാവത്തെ വിശകലനം ചെയ്തതിനുമാണ് മൈക്കിള് മേയര്, ദിദിയെര് ക്വലോസ് എന്നിവര് നൊബേല് നേടിയത്പ്രപഞ്ചത്തിന്റെ ഘടന സംബന്ധിച്ച നിര്വചനങ്ങള് ലളിതവത്കരിക്കാന് ജെയിംസ് പീബിള്സിന് സാധിച്ചെന്ന് പുരസ്കാര അക്കാദമി വിലയിരുത്തി.
മഹാവിസ്ഫോടന സിദ്ധാന്തം മുതല് ഇന്നുവരെയുള്ള പ്രപഞ്ചാന്വേഷണങ്ങള്ക്ക് പിന്നില് ജെയിംസിന്റെ എഴുത്തിന് വലിയ പ്രധാന്യമുണ്ടെന്ന് നോബെല് സമിതി വ്യക്തമാക്കി. 1995ല് സൗരയൂഥത്തിന് പുറത്ത് ഭൂമിക്ക് സമാനമായ ഒരു ഗ്രഹവും അത് വലംവയ്ക്കുന്ന നക്ഷത്രത്തെയും കണ്ടെത്തുകയായിരുന്നു മൈക്കിള് മേയര്, ദിദിയെര് ക്വലോസ് എന്നിവര്.
പ്രതികരിക്കാൻ ഇവിടെ എഴുതുക