കോവിഡ് വ്യാപനം രൂക്ഷമായി നിലനില്ക്കുന്ന സാഹചര്യത്തില് മഹാരാഷ്ട്രയില് ലോക്ക് ഡൗണ് മെയ് 31 വരെ നീട്ടാന് തീരുമാനം. മേയ് 31 വരെയാണ് സംസ്ഥാനത്ത് ലോക്ക്ഡൗണ് നീട്ടിയിരിക്കുന്നതെന്ന് മുഖ്യമന്ത്രി ഉദ്ദവ് താക്കറെ പറഞ്ഞു. കേന്ദ്രം പ്രഖ്യാപിച്ച മൂന്നാംഘട്ട ലോക്ക്ഡൗണ് തീരുന്നതിന്റെ പശ്ചാത്തലത്തിലാണ് സംസ്ഥാന സര്ക്കാരിന്റെ ഈ തീരുമാനം. സംസ്ഥാന വ്യാപകമായി ലോക്ക് ഡൗണ് നീട്ടിയെങ്കിലും ഏതൊക്കെ മേഖലകളില് ഇളവ് അനുവദിക്കുമെന്ന കാര്യത്തില് വിശദീകരിച്ച ഉത്തരവ് ഉടന് ഇറങ്ങും.
നിലവില് 30,000 പേര്ക്കാണ് മഹാരാഷ്ട്രയില് കോവിഡ്-19 ബാധിച്ചത്. രാജ്യത്തെ മൊത്തം കോവിഡ് കേസുകളുടെ മൂന്നിലൊന്നുവരും മഹാരാഷ്ട്രയില് മാത്രം റിപ്പോര്ട്ട് ചെയ്യപ്പെട്ടവയുടെ എണ്ണം.
ശനിയാഴ്ച മാത്രം സംസ്ഥാനത്ത് 1,606 കോവിഡ് കേസുകളാണ് റിപ്പോര്ട്ട് ചെയ്തത്. ഇതില് അധികവും മുംബൈയിലാണ്. 884 പേര്ക്കാണ് ഒറ്റദിവസം രോഗം സ്ഥിരീകരിച്ചത്. മുംബൈയില് മാത്രം ആകെ കോവിഡ് ബാധിതരുടെ എണ്ണം 18,555 ആണ്. മഹാരാഷ്ട്രയ്ക്ക് പത്യേക സാമ്പത്തിക പാക്കേജ് വേണമെന്ന് സംസ്ഥാന മന്ത്രിസഭ കേന്ദ്രത്തോട് ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക