ചുരുക്കം ചില ചിത്രങ്ങളിലൂടെ തന്നെ അന്താരാഷ്ട്ര തലത്തിൽ വരെ ശ്രദ്ദിക്കപ്പെട്ട താരമാണ് നിമിഷ സജയൻ. മലയാളികളുടെ നാടൻ പരിവേഷത്തിനു ഉദാഹരണമെന്നപോലാണ് നിമിഷ സ്ക്രീനിലെത്തിയത്. ഇപ്പോഴിതാ ഒരു ടെലിവിഷന് ഷോയുമായി ബന്ധപ്പെട്ട് തനിക്ക് നേരെ ഉയര്ന്ന പ്രചാരണങ്ങള്ക്ക് മറുപടിയുമായി എത്തിയിരിക്കുകയാണ് നടി. മേക്കപ്പുമായി ബന്ധപ്പെട്ട് അവതാരകയുടെ ചോദ്യത്തിന് നിമിഷ നല്കിയ മറുപടി സമൂഹമാധ്യമങ്ങളില് വൈറലായിരുന്നു. പിന്നാലെ ചില ട്രോളുകളും എത്തി. ഫേസ്ബുക്കിലൂടെയാണ് നിമിഷയുടെ മറുപടി. വാക്കുകളിലെ സത്യം മനസ്സിലാക്കി നന്മകൾ സോഷ്യൽ മീഡിയയിൽ പ്രചരിപ്പിക്കൂ എന്ന് പറഞ്ഞാണ് നിമിഷ തന്റെ ഫേസ്ബുക്ക് പോസ്റ്റ് അവസാനിപ്പിക്കുന്നത്.
ഫേസ്ബുക്ക് പോസ്റ്റിന്റെ പൂര്ണരൂപം;
ഞാൻ പങ്കെടുത്ത ഒരു ടെലിവിഷൻ ഷോയുമായി ബന്ധപ്പെട്ട് ഒരുപാട് അഭിപ്രായങ്ങൾ സാമൂഹിക മാധ്യമങ്ങളിൽ വരുന്നുണ്ട് അതിനെ സംബന്ധിച്ച് കുറച്ചു കാര്യങ്ങൾ ഇവിടെ വ്യക്തമാക്കുകയാണ്.എന്നോട് വ്യക്തിപരമായി ചോദിച്ച ഒരു ചോദ്യമായിരുന്നു നിമിഷക്ക് മേക്കപ്പ് ഇഷ്ടമാണോ? ഇല്ലയോ? അതിന് ഞാൻ നൽകിയ മറുപടി വ്യക്തപരമായി എനിക്ക് മേക്കപ്പ് താൽപര്യം ഇല്ല പക്ഷേ സിനിമയുടെ ആവശ്യത്തിന് മേക്കപ്പ് ആവശ്യമായി വന്നാൽ ഞാൻ ഇടും എന്നും പറഞ്ഞിട്ടുണ്ട് … കുറച്ച് പേർ ഞാൻ മേക്കപ്പ് ഇട്ട ഫോട്ടോസ് കണ്ടിട്ട് ഇതിൽ മേക്കപ്പ് ഇല്ലോ എന്ന് ചോദിച്ചു… എനിക്ക് പറയാനുള്ളത് സിനിമയുടെ ആവശ്യത്തിന് ഉള്ള ഫോട്ടോ ഷൂട്ട്, ചാനൽ പരിപാടികൾ മാഗസിൻ ഫോട്ടോ ഷൂട്ട് തുടങ്ങിയ സാഹചര്യങ്ങളിൽ മേക്കപ്പ് അനിവാര്യമാണ് ഞാൻ ഇടുകളും ചെയ്യും അത് തന്നെ പ്രെഫഷണലിന്റെ ഭാഗമാണ്… മേക്കപ്പ് ഇഷ്ടമല്ല എന്നത് വ്യക്തി ജീവിതത്തിന്റെ ഭാഗവും…. എനിക്ക് ഒരുപാട് ചോദ്യങ്ങൾ സോഷ്യൽ മീഡിയയിൽ വന്നു എല്ലാവർക്കും മറുപടി നൽകാൻ സാധിക്കാത്തതിനാൽ ഇവിടെ ക്കുറിപ്പ് നൽക്കുന്നു..
പ്രതികരിക്കാൻ ഇവിടെ എഴുതുക