ലോകത്ത് കോവിഡ് ബാധിതരുടെ എണ്ണം 77 ലക്ഷം കടന്നു. അതേസമയം കോവിഡ് വാക്സിന്റെ അവസാനഘട്ട പരീക്ഷണത്തിലേക്ക് കടന്നതായി അമേരിക്കന് മരുന്ന് കമ്പനിയായ മൊഡേണ അറിയിച്ചിരിക്കുകയാണ്. കോവിഡ് 19ന് കാരണമാകുന്ന കൊറോണ വൈറസിനെ തടയാനുപകരിക്കുന്ന ചെറുതന്മാത്രകളെ കണ്ടത്തിയെന്ന വാദവുമായി ജോര്ജിയ സര്വകലാശാലയിലെ ഗവേഷകരും രംഗത്തെത്തിയിട്ടുണ്ട്. നാഫ്തലീൻ ബേസ്ഡ് പിഎൽ പ്രോ ഇൻഹിബിറ്റേഴ്സ് എന്നാണ് ഈ തന്മാത്രകള്ക്ക് പേര് നല്കിയിരിക്കുന്നത്. കൊറോണ വാക്സിന് വികസിപ്പിക്കുന്നതിന് ഇത് ഒരു നിര്ണായക വഴിത്തിരിവ് ആകുമെന്നാണ് ഗവേഷക സംഘത്തിന്റെ പ്രതീക്ഷ.
ഇന്നലെ ഏറ്റവും കൂടുതല് കോവിഡ് മരണം റിപ്പോര്ട്ട് ചെയ്ത മൂന്നാമത്തെ രാജ്യമായ മെക്സികോ കോവിഡ് കേന്ദ്രമായി മാറിക്കൊണ്ടിരിക്കുകയാണ്. മെക്സിക്കോയില് കോവിഡ് മരണം 15000 കടന്നു. അതേസമയം കോവിഡ് വാക്സിന്റെ അവസാനഘട്ട പരീക്ഷണത്തിലേക്ക് കടന്നതായി അമേരിക്കന് മരുന്ന് കമ്പനിയായ മൊഡേണ അറിയിച്ചു. പരീക്ഷണം പൂര്ണമായും വിജയിച്ചാല് അടുത്ത മാസം മുപ്പതിനായിരം ആളുകളില് വാക്സിന് ഉപയോഗിക്കാം എന്നുമാണ് കമ്പനി അധികൃതർ നൽകിയ വിശദീകരണം.
പ്രതികരിക്കാൻ ഇവിടെ എഴുതുക