ഹൈദരാബാദ്: ലോകത്തെ കീഴടക്കുന്ന മഹാമാരി കൊവിഡിനെതിരെ പരീക്ഷണ അടിസ്ഥാനത്തില് നല്കുന്ന മരുന്നായ റെംഡെസിവിര് അഞ്ച് സംസ്ഥാനങ്ങളിലേയ്ക്ക് അയച്ചു. രോഗം പിടിമുറുക്കിയ മഹരാഷ്ട്ര, ഡല്ഹി, തമിഴ്നാട്, ഗുജറാത്ത്, തെലങ്കാന എന്നിവിടങ്ങളിലേയ്ക്ക് ആണ് മരുന്ന് അയച്ചത്.
റെംഡെസിവിറിന്റെ ജനറിക് പതിപ്പ് നിര്മ്മിക്കാനും വിപണനം ചെയ്യാനും അനുമതിയുള്ള ഹൈദരബാദ് ആസ്ഥാനമായുള്ള ഹെറ്റെറോ എന്ന കമ്പനിയാണ് 20,000 കുപ്പി മരുന്ന് സംസ്ഥാനങ്ങളിലേക്കയച്ചിരിക്കുന്നത്. കോവിഫോര് എന്ന പേരിലാണ് ഇത് ഇന്ത്യയില് വിപണനം ചെയ്യുന്നത്.
ആശുപത്രികള്ക്കും സര്ക്കാര് സംവിധാനങ്ങള്ക്കുമാകും മരുന്ന് ലഭ്യമാകുക. ചില്ലറ വിപണയില് ലഭ്യമാകില്ലെന്നും ഹെറ്റെറോ മാനേജിങ് ഡയറക്ടര് വംശി കൃഷ്ണ ബന്ദി പറഞ്ഞു.
പ്രതികരിക്കാൻ ഇവിടെ എഴുതുക